Tey vanligu tølini, sum nýtt eru her til samanberingar, eru miðaltølini fyri hita og sóltímar í árunum 1961-1990.

Tað var heitari í 2018, enn tað var 1961-1990, og sólin skein eisini meir.

Byrjandi við við sóltímunum, so vóru fleiri sóltímar næstan allar mánaðirnar í 2018, enn tað hevur verið vanligt. Bert tveir mánaðir skein sólin minni enn vanligt. Í apríl skein sólin 1 tíma minni í 2018 enn vanligt og í juli skein sólin skein sólin 9 tímar færri enn vanligt.

Roknað alt árið um til dagar, so skein sólin íalt næstan 7 dagar meiri í 2018 enn vanligt – sí strikumyndina niðanfyri.

Sóltímarnir hava sjálvandi havt sín týdning fyri, hvussu heitt tað var í Havn í 2018.

Bert í september var hitin lægri í 2018 enn vanligt; í mars var hann tann sami sum vanligt. Allar hinar mánaðirnar var hitin hægri í 2018 enn vanligt – sí strikumyndina niðanfyri.

Serliga vóru tað november og desember sum vóru heitari enn vanligt. Í 5 av teimum seinastu 6 árunum hava teir seinastu mánaðirnir í árinum verið heitari enn vanligt.

Í 2018 var miðalhitin 7,32 stig; í 1961-1990 var miðalhitin 6,6 stig.