Lýsing
Lýsing
Aksel V. Johannesen, løgmaður helt røðu á landsfundinum hjá Javnaðarflokkinum í Skálanum í apríl 2018 | Mynd: Oliver Joensen

Javnaðarflokkurin sentraliserar uppstillingina

SKRIVAÐ: Jóhann Lützen  |  30.01.2019 - 07:58 Leiðarin Politikkur Tíðindi

Komandi løgtingsval verður øðrvísi enn onnur løgtingsval, ið hvussu er um tú ert javnaðarfólk. Har tað áður hava verið lokalfeløgini kring landið, ið hava tikið sær av at stilla valevni upp, er tað nú Starvsnevndin í flokkinum, ið hevur síðsta orðið. Lokalfeløgini fara framvegis at kunna stilla fólk upp, men Starvsnevndin kann koyra tey av listanum aftur.

Í áhugaverdari greining á in.fo greiðir Eirikur Lindenskov frá, at hetta er gjørt fyri at fyribyrgja “flokshopparum”, og hann nevnir Magna Laksáfoss og Kristin Michelsen sum dømi um valevni, ið eru óynskt av javnaðarleiðsluni, men sum møguliga kundu hugsast at komið á listan ígjøgnum okkurt av lokalu valfeløgunum kring landið.

Hetta, at uppstillingin fór at verða avgjørd sentralt, var eitt av tingunum, ið ávarað varð um, tá Føroyar gjørdust eitt valdømi. Fleiri av flokkunum boðaðu kortini frá, at valfeløgini framvegis fóru at hava ein avgerandi leiklut í uppstillingini. Nú 12 ár seinni tekur Javnaðarflokkurin so stigið at lata seinasta orðið, tá tað kemur til uppstilling, vera sentralt.

Her skal tó verða lagt afturat, at Starvsnevnd Javnaðarfloksins hevur umboð úr øllum landinum, umframt úr Sosialistiskum Ungmannafelag. Kortini merkir broytingin, at velur meirilutin í Starvsnevndini at ganga ímóti ynskjunum hjá einum ella tveimum lokalfeløgum, so kunnu tey lokalfeløgini nú yvirrulast.
 

Lýsing
Seinastu tíðindini
Vit mugu steðga almennu sentraliseringin…
Manningin á Norðingi Ársins fyrstuhjálpa…
KÍ hevur nógv at arbeiða við í løtuni
Starvs­nevndin í FSF óbroytt
Hvør veit nærri um hetta nátthúsið
Ótroyttiligi Zacharias Hammer aftur aktu…
Steypflogbóltur: Mjølnir, menn, í steypa…
Myndarøð: Búnaðarstevnan 2019
Búnaðarstevnan skotin í gongd
Keðilig úttalilsir
Steypa-flogbóltur: Badminton­høllin, Klak…
Tað besta burturúr báðum íløgunum – aftu…
Brekpolitisk virkisætlan hongur enn í le…
Skála venjarin leggur ikki dent á úrslit…
Drotning Margrethu Barna­garður 40 ár
Bakkafrost: Nýggjur fíggjar­stjóri
Til lukku, Høgni, Hanna og samgongan
Klaksvíkar Talvfelag væl umboðað í Norðu…
Lands­stýrið latið Løgtingi­num lógaruppsk…
Toppstýrt tvíbýtt Tjóðveldi?
Lýsing