Lýsing

Konsert við PULS'i

SKRIVAÐ: Tíðindaskriv  |  31.01.2019 - 15:52 Mentan Tíðindi

Føroysk-Gambisk konsert í Spaniastovu

Í samband við forkunnuga tónleikavitjan úr Gambia og úr Eysturoynni, verður dupultkonsert í Spaniastovu 8.februar kl 21. Konsertin verður mynda av Kára Sverrisson&Enekk og Dawda Jobarteh. Hetta er soleiðis fyrsta PULS*-konsertin í ár.

 

Dawda Jobarteh

Dawda Jobarteh er føddur inn í eina tað mest viðurkendu tónleikafamiljuna í vestafrikansku mandinkamentanini. Han tekur siðbundnu tónlistalæruna frá uppvøkstri sínum í Gambia og við sínum framúrskarandi Kora spæli í sentrum, skapar hann eina intensiva nútíðarhóskandi hugsjón av einum tónleikaslagi, sum hevur verið til í øldir.

 

Dawda byrjaði at spæla slagverk, meðan hann vaks upp í Gamba í eini familju, sum var full av tónleikarum. Tað var ikki fyrr enn hann kom til Danmarkar sum vaksin, at hann byrjaði at spæla kora.

“Har heima spæla øll kora, og so elski eg jú slagverk. Eg slapp at læna eina kora frá einum lærara og visti rættiliga væl, hvussu tað skuldi ljóða”.

 

Dawda bleiv verandi í Danmark og hevur nú sín egna bólk. Tey hava givið tríggjar útgávur út og tann fyrra “Northern light and Gambian night” varð í 2011 vald av blaðnum Songlines at vera millum 10 bestu útgávurnar tað árið.

Dawda Jobarteh vitjar í Føroyum saman við slagverksspælaranum Salieu Dibba, og saman spæla teir eina samanrenning av siðbundnum gambiskum tónleiki, norðurlendskum fólkatónleiki og jazzi.

 

Kári Sverrisson & Enekk

Kára og Enekk hava veruliga sett egin tónleikalig spor eftir seg í føroyska tónleikahválvinum við sínum tónleiki og tekstum.

Bólkurin Enekk, ið gjørdi vart við seg á fyrsta sinni í 1991, gav fýra fløgur út í árunum 1993-2004. Tað verða sangir av hesum fløgum og eisini nýggjari tilfar, ið Kári Sverrisson hevur latið úr hondum í seinastuni, ið verður at hoyra á trimum konsertum í Føroyum í februar. Í mai mánaði gongur leiðin til Svøríkis og Danmarkar, har bólkurin spælir í Malmø og Ålborg. Teir, ið manna bólkin, eru Kári Sverrisson, sang og gittar, Agnar Lamhauge, bass, og Óli Olsen, klaver og harmoniku.

 

---

Dawda Jobarteh er - sum nevnt - eitt kent navn í Gambia. Og væntandi eisini í Føroyum aftaná 3 PULS-konsertir í vikuskiftinum 8.-10.februar 2019.

 

* PULS er ein Norðurlendsk stuðulsskipan hvørs ætlan er at menna hin tónleikaútboði á Norðurlendska tónleikapallinum.

 

Lýsing
Seinastu tíðindini
Takk fyri eitt fantastiskt summar
Iacta alea est
Vit hava áræði og dirvi at møta avbjóðin…
KÍ misti stig á Djúpumýri í kvøld
Hetta er nakað vit síggja fram til hvørt…
Kristian Martin: - Hetta er orduliga stu…
Gadus fiskur í heimsflokki
Hanus: Vit standa so leingi sum fólk vil…
Kristin verður á listanum hjá Sjálvstýri
Havi ikki hoyrt so skapt
Enn ein kvinna á listanum hjá Sjálvstýri…
Anfinn Hansen vann egnikappingina
Einki hent í 35 ár. Hvussu leingi skul…
Sjálvandi skal hjúnabands­lógin broytast…
Hampulig fótbóltslíkindi í kvøld
Hesir bátar/­skip fiskaðu mest í 2018
Hesi vunnu fiski­skappingina
Nógvir og stórir vinningar á Sjómannadeg…
Fiski­kapping og vatnkríggj á í dag
KUNNING UM FERÐSLU Á SJÓMANNA­DEGNUM