Hallur: - Sonja er limur í Eysturoyar Tjóðveldisfelag
Øll kunnu meldað seg inn í Eysturoyar Tjóðveldisfelag. Sonja gjørdist limur í Eysturoyar Tjóðveldisfelag fyri fýra døgum síðan. Um hon ynskir at stillað upp, so verður støða tikin til tað á uppstillingarfundinum, sigur Hallur Ellingsgaard formaður í Eysturoyar Tjóðveldisfelag
Hallur Ellingsgaard sigur at nevndin í Eysturoyar Tjóðveldisfelag varð samd um, at loyva Sonju Jógvansdóttir, at lima seg inn í flokkin.
- Sonja Jógvansdóttir gjørdist limur í Eysturoyar Tjóðveldisfelag fyri fýra døgum síðani, sigur Hallur Ellingsgaard.
Eysturoyar Tjóðveldisfelag hevur eina áseting um at ein skal hava verið limur í felagnum í tríggjar mánaðir áðrenn ein kann stilla upp fyri flokkin. Vit spyrja formannin um hetta.
- Tað er rætt, men vit hava ikki fylgt hasari ásetingini seinastu 2-3 valini, tí tað hevur verið so torført at fáa fólk á listan, sigur Hallur Ellingsgaard.
Norðlýsið frættir frá keldum, at Sonja Jógvansdóttir gerst limur í tingbólkinum hjá Tjóðveldi í morgin. Sostatt verður tingbólkurin hjá Tjóðveldi víðkaður við einum tinglimi, ið varð vald fyri ein annan flokk á seinasta løgtingsvali.