Lýsing
Lýsing
Høgni Hoydal heldur formansrøðuna á Flokstinginum hjá Tjóðveldi í Klaksvík í 2018. | Mynd: Oliver Joensen

Lagt er upp til stríð í Tjóðveldi

SKRIVAÐ: Jóhann Lützen  |  06.02.2019 - 08:34 Leiðarin Politikkur

Fyri fáum døgum síðani meldaði Sonja Jógvansdóttir seg inn í Eysturoyar Tjóðveldisfelag. Hetta fekk beinanvegin reaktiónir, bæði frá Tórbirni Jacobsen, fyrrverandi politikara fyri Tjóðveldi, frá øðrum valfelagi og nú eisini frá tingmanningini. Í gjár noktaði ting- og landsstýrismanningin Sonju at verða upptikna í tingbólkin.

7 av teimum 11 løgtings-, fólkatings- og landsstýrisfólkunum hjá Tjóðveldi vendu tummilin niðureftir, tá tey skuldu taka støðu til, um Sonja Jógvansdóttir kundi takast upp í tingbólkin. Í greining á in.fo segði Eirikur Lindenskov m.a., at tað serliga vóru “sterku kvinnurnar í Havn”, sum ikki ynsktu hana teirra millum.

Lagt er sostatt ikki upp til nakað serliga gott samstarv millum gomlu tjóðveldiskvinnurnar og ta nýggju. Sonja skal tað, sum eftir er av hesum valskeiðnum, sita fyri seg sjálva í tingsalinum og ikki saman við tingbólkinum hjá Tjóðveldi. Stillar Sonja upp, vænta fleiri, at hon trýstir onkra av hinum úr Løgtinginum.

Formaðurin í Eysturoyar Tjóðveldisfelag segði við Norðlýsið, at “øll kunnu melda seg inn í Eysturoyar Tjóðveldisfelag”, og at “støða verður tikin til tað [uppstilling til komandi løgtingsval, red.] á uppstillingarfundinum”. Hann leggur tó afturat, at semja var í nevndini í Eysturoyar Tjóðveldisfelag um at geva Sonju Jógvansdóttir limaskap, so ivaleyst sleppur hon at stilla upp.

 

Formaðurin í minniluta

Tað er enn ikki greitt, hvussu tey einstøku ting- og landsstýrisfólkini atkvøddu, men eftir Degi og viku at døma var formaðurin í Tjóðveldi, Høgni Hoydal, í minnilutanum, sum vildi lata Sonju Jógvansdóttir gerast part av tingmanningini.

Vit gita at Høgni Hoydal, Sirið Stenberg, Ingolf S. Olsen og Katrin Kallsberg fegin vildu hava Sonju í tingbólkin.

Eftir hesa køldu móttøkuna, ella rættari durafjórðingin, í tingbólkinum hjá Tjóðveldi er greitt, at ikki øll eru glað fyri nýggju tjóðveldiskvinnuna. Hvussu hetta fer at ávirka tingarbeiðið hjá flokkinum, bæði hesumegin og hinumegin valið, kann bert tíðin vísa, men nakað gott útgongdsstøði fyri einum góðum samstarvi í flokkinum er hetta ikki.

 

Lýsing
Seinastu tíðindini
Vit mugu steðga almennu sentraliseringin…
KÍ hevur nógv at arbeiða við í løtuni
Starvs­nevndin í FSF óbroytt
Hvør veit nærri um hetta nátthúsið
Ótroyttiligi Zacharias Hammer aftur aktu…
Steypflogbóltur: Mjølnir, menn, í steypa…
Myndarøð: Búnaðarstevnan 2019
Búnaðarstevnan skotin í gongd
Keðilig úttalilsir
Steypa-flogbóltur: Badminton­høllin, Klak…
Tað besta burturúr báðum íløgunum – aftu…
Brekpolitisk virkisætlan hongur enn í le…
Skála venjarin leggur ikki dent á úrslit…
Drotning Margrethu Barna­garður 40 ár
Bakkafrost: Nýggjur fíggjar­stjóri
Til lukku, Høgni, Hanna og samgongan
Klaksvíkar Talvfelag væl umboðað í Norðu…
Lands­stýrið latið Løgtingi­num lógaruppsk…
Toppstýrt tvíbýtt Tjóðveldi?
Teir vóru úti í nátt
Lýsing