Lýsing
Vindur í kvøld og í nátt. Eftir minkar vindur spakuliga allan morgindagin og sunnudagin. | Mynd: Norrfolket.no

Vikuskiftisveðrið

SKRIVAÐ: Hanus Kjølbro  |  08.02.2019 - 12:19 Veðrið Vinna

Hetta vikuskiftið fer ættin at liggja um norðan – kanska eitt sindur eystan fyri norðan fyri tað mesta. Eitt djúpt lágtrýst dregur nógva luft til sín, meðan tað ferðast av leiðunum vestan fyri Skottland og inn í Norðsjógvin og víðari ímóti Svøríki og Finnlandi.

Ferðamynstrið hjá hesum lágtrýsti gevur okkum høgættin í vikuskiftinum. Sunnukvøldið ella mánanátt er lágtrýstið farið so langt eystur um Føroyar, at vindurin fer at minka.

So endurtekur mynstrið seg við at ein hátrýstryggur stingur seg norður ímóti Føroyum – tá er vanliga gott veður, til tað næsta lágtrýstið kemur.

Mánadagin á middegi er lýggjari lágætt aftur.

Tað er kalt í morgun – um 3-4 stig. Hált at koyra – onkrasteðs gellandi gler. Okkurt ferðsluóhapp hevur verið.

Vindurin er ikki nógvur í morgun. Veðurstøðir Landsverks siga frá einum fleyri ella loti – 1 til 3 m/s av høgum eystri.

Vindurin fer at veksa í dag. Á middegi eru ætlandi 5 til 10 av eystri; á nátturða 13 til 18 m/s av landnyrðingi-eystri og á midnátt 18 til 23 m/s.

Hetta fer at vera tann mesti vindurin hesaferð.

Tað fer eisini at regna í dag. Fyrst onkrir ælingar í morgun í støðum kring landið, men seint seinnapartin fer at regna kring alt landið. Í kvøld kann væntast nokkso nógv regn.

Í nátt fer ættin upp ímóti norðuri ella eysthallum norði, og ímóti morgni fer vindurin fer at minka eitt sindur. Í meðan hetta er, fer regnið at minka.

Í morgin verður 13 til 18 m/s av eysturhallum norði, avfall í løtum við regni – møguliga vátakava. Hitin í morgin um 3-5 stig.

Sunnudagin minkar vindurin enn meiri. Á middegi eru 8 til 12 m/s, men sum dagurin gongur, minkar vindurin. Okkurt ælið við regni ella vátakava.

Mánanátt og mánamorgun fer at vera gott veður.

Gott vikuskifti.

Lýsing
Seinastu tíðindini
Ráðstevna um epilepsi á Hotel Hafnia
Hesum møtir KÍ í hálvfinaluni um løgmans…
Almenn móttøka í Býráðs­húsinum
Flaggdagshald í Klaksvík 25. apríl
Tríggir KÍ leikarar á U19-gentulandsliðn…
Páska­mysing
Jákup B góðan túr undir Íslandi
Pison landar á Kósini
Landstýris­kvinnan mælir løgtingi­num frá…
Bingju við Borðoyarvík
Aksel: Mín styrki er at samla slíkar ból…
Nøkur minningarorð um: Johan Martin Res…
Apríl, apríl...
Tøkk - Niels í Horni
KÍ satsaði alt og vann í Gundadali
Mentan­arvikan í Runavík sett
Countrykongu­rin spælir til dans á Bátafe…
Fótbólts­veðrið í dag
Mentan­arvikan í Vági: Asnaspark til list…
Tjóðskapur teirra ferðandi í Vága Flogha…