Lýsing
Lýsing

Enn eitt álop!

SKRIVAÐ: Bjarni Hammer, tinglimur fyri Javnaðarflokkin  |  08.02.2019 - 16:29 Politikkur Tíðindaskriv

Nú var enn eitt frontalálop sett í verk móti Heilsuskúla Føroya og harvið eisini móti Suðuroynni og útjaðaranum.

Hesa ferð verður Bergunn Kass nýtt sum jarnbrot. Seinast var tað ALS, sum ætlaði at fara undir at útbúgva heilsuhjálparar. Áðrenn ALS var tað Annika Olsen og Tórshavnar kommuna, ið vóru frammi og vildu broyta núverandi skipan.

Hvar kemur hesin illviljin frá? Hví kann Heilsuskúli Føroya ikki fáa frið?

Heilsuskúlin hevur verið virkin síðani aldarskiftið og hevur ment seg til at vera ein viðurkendur og sera væl skipaður heilsuskúli í Norðurlondum.

Nú verður so enn ein roynd gjørd.

Í vikuskiftisgrein í dag staðfestir Bergunn Kass, at Tórshavnar Kommuna arbeiðir miðvíst við at bera eitt uppskot niðan í Mentamálaráðið við eini nýggjari heilsuhjálparaútbúgving, sum skal staðsetast í miðstaðarøkinum. Við hesum verður støðið máað undan Heilsuskúla Føroya, sum “tilvildarliga” er staðsettur í Suðuroynni.

Hví ynskir miðstaðurin at víðka stóru gjáirnar millum miðstað og útjaðara? Hví leggja fótonglar fyri einum væl røktum útbúgvingarstovni, ið hevur verið ein sólskinssøga seinastu mongu árini?

Nú hetta málið er á veg niðan í Mentamálaráðið og inn í landsstýrið vil eg hava greitt svar: Er tað við signing frá leiðsluni í Framsókn, at hetta álopið verður framt? Hvat heldur landstýrismaðurin í mentamálum um, at Tórshavnar kommuna enn einaferð roynir at forkoma hesi sólskinssøgu, sum Heilsuskúli Føroya er? Og fer landstýrismaðurin at góðtaka, at ein “nýggj” heilsuhjálpara-útbúgving verður upprættað?

Tað er undranarvert, at tað áhaldandi verður brúkt so nógv orka uppá at niðurbróta Heilsuskúla Føroya.

 

Lýsing
Seinastu tíðindini
Vit mugu steðga almennu sentraliseringin…
KÍ hevur nógv at arbeiða við í løtuni
Starvs­nevndin í FSF óbroytt
Hvør veit nærri um hetta nátthúsið
Ótroyttiligi Zacharias Hammer aftur aktu…
Steypflogbóltur: Mjølnir, menn, í steypa…
Myndarøð: Búnaðarstevnan 2019
Búnaðarstevnan skotin í gongd
Keðilig úttalilsir
Steypa-flogbóltur: Badminton­høllin, Klak…
Tað besta burturúr báðum íløgunum – aftu…
Brekpolitisk virkisætlan hongur enn í le…
Skála venjarin leggur ikki dent á úrslit…
Drotning Margrethu Barna­garður 40 ár
Bakkafrost: Nýggjur fíggjar­stjóri
Til lukku, Høgni, Hanna og samgongan
Klaksvíkar Talvfelag væl umboðað í Norðu…
Lands­stýrið latið Løgtingi­num lógaruppsk…
Toppstýrt tvíbýtt Tjóðveldi?
Teir vóru úti í nátt
Lýsing