Lýsing

- Sjálvandi skal Føroyabanki roynast

SKRIVAÐ: Jógvan Skorheim  |  10.02.2019 - 18:49 Lesarabrøv Tíðindi

Tað vóru sera áhugaverd tíðindi, sum bórust í Kringvarpinum í dag, har danskir fiskifrøðingar eru komnir til ta niðurstøðu, at stongdar leiðir ikki er nøkur vernd fyri toskin.

Í meiri enn 10 ár hevur Føroyabanki verið stongdur, og fiskimenn, sum hava ditta sær at sagt sína meining, og mælt til at loyva royndarveiðu, hava verið skýrdir óvitandi, óseriøsir og lítið ábyrgdarfullir.

Sama hevur verið galdandi fyri kjakið í Løgtinginum. Har hevur aftur og aftur verið rørt framundir, at viljin at lurta eftir fiskifrøðingum er als ikki til staðar, og tí eru vit komin í hesa støðu, og tí er eingin fiskur á Føroyabanka. Hevur ein bara váða sær at lýst málið við góðum argumentum frá teimum, sum dag og dagliga arbeiða í fiskivinnuni, ella biðið løgtingsfólk um at hava í huga, at vit ikki stýra øllum náttúrukreftum, so hava illsinnisglepsini ikki verið so fá.

Søguliga hevur Føroyabanki givið umleið 3.000 tons av toski um árið, og tey bestu árini meiri enn tvífalt so nógv. Hetta eru ómetaliga stór virðir, og vit vita alt ov lítið um støðuna á Føroyabanka, við teimum royndum, í Havstovan ger á hvørjum ári.

Tí mugu vit loyva vinnuligum fiskiførum, so sum línuskipum, sum dagliga eru í drift, inn at royna. Tað skal vera undarligt, um ikki Føroyabanki aftur kann geva stórar nøgdir okkara landi at frama.

Nýggjasta niðurstøðan frá donsku fiskifrøðingunum ber boð um, at fiskimennirnir hava verið á rættari kós, og at politiski myndugleikin í Føroyum hevur í alt ov stóran mun sitið á hondunum. Tí hava vit alt ov smala vitan til at taka skilagóðar avgerðir um fiskiskap á Føroyabanka.

Vit mugu opna fyri møguleikum á Føroyabanka, so vit veruliga síggja hvussu støðan er.

Lýsing
Seinastu tíðindini
Uppisjóvarvirkið á hvørjum tanga og -ski…
Eingin hevur spælt við KÍ í Europa kappi…
Fiska frítt upp til 15 tons
Áskoðarar­nir hava avgerðandi týdning
Kaving, frá hjástarvi til nýggja vinnugr…
Eiga at fara undir flogvøll á Glyvursnes…
Bústaðir byggir framhald­andi tríggjar fe…
Jákup B góðan túr undir Føroyum
Heðin Kambsdal í Galerie Focus
Team Klaksvík hevur sett venjarapar
Fugloyar­renningin 2019
Svangaskarð er klárt til KÍ
Minningarorð um Poul Nolsøe Laksáfoss
Norðsøki hevur rokast undir Íslandi
Poul Nolsøe Laksáfoss er farin
Golfklubbu­rin 30 ár
Ótespiligur lesnaður!
Gott lag í KRF neystinum í kvøld
Móttøka fyri kappróðrarbátunum
Hetta er ein frálík løta