Yvirskipaði arbeiðssetningurin fyri Várframsýningina tey seinastu árini hevur verið ”Art for Art´s Sake”. Við hesum arbeiðssetningi vil úrvalsnevndin varpa ljós á listarliga úttrykkið hjá einstaka listafólkinum. Rákið seinastu árini hevur annars verið, at listafólk hava skulað skapað innan eitt ávíst evni, og úrvalsnevndini metir, at tað kann tálma listarligu drívmegina hjá einstaka listafólkinum.

Úrvalsnevndin er áhugað í eini breiðari umboðan innan myndlistagreinina á Várframsýningini. Umframt sokallaðu ”vanligu” myndlistina, eggjar úrvalsnevndin fólki, sum t.d. arbeiða við installatión, framførslulist, ljóðlist og videolist, eisini at senda uppskot til metingar inn.

Verk, sum verða latin inn til metingar, skulu ikki vera eldri enn 2 ár. Til ber at lata inn í mesta lagi 10 verk, og tað er líka mikið, hvat slag av tøkni er brúkt. Freistin at lata verk inn er 12. mars 2019 – kl. 18:00. Uppskot av verkum, skulu sendast inn umvegis teldupostadressu. Teldupostadressan er: varframsyning2019@gmail.com

Við at trýsta á leinkjuna niðanfyri fært tú meira upplýsing um sjálva framsýningina og vegleiðing um, hvussu tú ber teg at, um tú skalt senda verk inn: http://www.mynd.fo/tiindi/varframsyningin-2019