Ættin í morgun er sunnan – vindferðin sunnanfyri er 10 til 15 m/s; norðanfyri er eitt sindur minni vindur. Tað regnar í morgun, tað fer tað allan fyrrapartin í dag; seinnapartin er turrari.

Tað er seinnapartin, at vindur fer at veksa. Klokkan 18 eru til 13 til 18 m/s, men á midnátt er vindferðin vaksin upp í 18 til 23 m/s. Í støðum verður miðalvindferðin 20 til 25 m/s – t.e. stormur í miðalvindi.

Hvirlurnar sjálvandi væl harðari enn tað.

Ættin fer seinnapartin at sníkja seg úr suðuri ímóti útsynningi. Hetta verður so ættin, meðan tað ringasta veðrið er í kvøld.

Nakrar tímar eftir midnátt fer vindurin at minka. Tað fer at ganga skjótt at minka, og um morgunmatartíð í morgin ári, er vindferðin komin niður í 7 til 12 m/s.