Finleif Mortensen, listamaður, sýnir fram í Posthúskjallaranum.
Í dag kl. 17.00 letur framsýning við Finleif Mortensen upp í Posthúskjallaranum mánadagin, 18. februar kl. 17.00. Signhild V. Johannesen, forkvinna í Grunnur, Mentanarhús í Klaksvík setur framsýningina kl. 17.15, og verður boðin ein biti við onkrum svalandi eisini. Opið er til kl. 20.00
17-20: Posthúskjallarin
Finleif Mortensen, listamaður, hevur áhugaverda
listaframsýning við landslags- og abstraktum málningum
17.15: Signhild V. Johannesen, forkvinna í Grunninum Mentanarhús í Klaksvík, setur framsýningina, og verður boðið til ein bita við onkrum svalandi afturvið.
Norðlýsið skrivaði annars hetta um framsýningina í stóra Torrablaðnum:
Finleif Mortensen, listamaður, sýnir fram í Posthúskjallaranum.
Finleif Mortensen hevur tveir málihættir – ein figurativan og ein abstraktan. Tveir hættir, ið vanliga verða hildnir at vera tveir mótsetningar. Tann eini byggir á eygleiðan og endurgeving av verðuleikanum, sum hann sæst, har hin er savnandi um reinar formar og litir á hvør sín hátt, í størri ella minni mun ósjálvstøðugt av tí, sum sæst.
Tess meir man eygleiðir málningarnar hjá Finleif Mortensen, tess meira sýnast hesir mótsetningar kortini at fána burtur, ella í øllum førum at hava íblástur frá hvørjum øðrum.
Hyggur man eftir tí figurativa málninginum, málar hann ofta tað kenda motivið; náttúruna, smáu bygdirnar hav og himmal.
Litirnar bera sum oftast brá av blágrønum og reydligum litum.
Á framsýningni í Posthúskjallaranum hevur Finleif Mortensen málningar, har íblásturin serliga kemur frá bygdum og landsløgum í Norðoyggjum. Harafturat tríggjar stórar málningar, sum seta sín serliga dám á framsýningina, har Kunoyarnes og Nakkurin speglast í vánni og geva eina einfalda og abstrakta fatan.
Framsýningin letur upp í Posthúskjallaranum mánadagin, 18. februar kl. 17.00. Signhild V. Johannesen, forkvinna í Grunnur, Mentanarhús í Klaksvík setur framsýningina kl. 17.15, og verður boðin ein biti við onkrum svalandi eisini. Opið er til kl. 20.00
Opið er annars allar Torradagarnar til og við sunnudagin 24. februar frá 14.00 – 18.00