Forvitnislig framsýning í Smæruni
Upprunin til søvn at gomlum brúks amboðum, eru oftað áhugaðir privatpersónar, ið hava víst slíkum ans.
Í Klaksvík eru fleiri, ið hava tikið sær av ymiskum gomlum, bæði innan tekniska úrgerð á skrivstovum, umborð á skipum og heima í privatum húsum, har radio, band- og stálbandupptakarar og annað gott hava skrivað søgu. Nøkur slík fólk, fara at sýna fram í Smæruni á Torradøgunum.
Onki er, sum tað var fyrr, verður ofta sagt. Men í sýnisglugganum hjá Føroyabók í Vágstúni 2 er alt júst, sum tað var fyrr. Har er eitt fjølbroytt savn av gomlum skrivstovutólum- og lutum, sum er savnað síðan sekstiárini.
M.a. ein Swiss bókhaldsmaskina og fyrstu ABC 80 og 800 teldurnar frá Com-Data. Hølið er innrættað sum ein skrivstova í sjeytiárunum við teakmøblum og lutum frá tí tíðini.
Í samband við Torradagarnar verður eitt úrval av hesi framsýning at síggja í Smæruni, sum Victor Nielsen hevur savnað, har eitt lítið skrivstovuumhvørvi verður sett upp við nøkrum av tólunum og lutunum frá seksti-, sjeyti- og áttatiárunum.
Tekniska framsýning
Eisini hevur Poul Havn savnað til eina tekniska framsýning við gomlum útvarpstólum, plátuspælarum og samskiftistólum.
Talan er um gomul samskiftistól og tøkni, sum tað var. M.a. er radioið á sluppini Carlton frá 1939, ein Marconi móttakari frá 1941, spola bandupptakari frá 1950.
Gamli sendarinmav Kallanes, ekkolod og tól til samskifti eru at síggja. Nógv annað hjá Jógvan Zachariassen lækna og Dova í Trøllagili, sum vóru millum tey, ið fingu radio í Klaksvík.
Føroysku skipini hava eisini havt hópin av tekniskari útgerð umborð. Fyri stuttum kom ein sendari, ið einaferð hevði sína tíð umborð á einum Skálabergi aftur til Klaksvíkar. Hesin verður ímillum aðra skipstekniska útgerð til samskifti, at síggja í Smæruni.
Í hesum 100 ára fyrilestrinum verður tú boðin við á eina ferð, har Andras Sólstein og Gunnar Nolsøe - tíggjuáraskeið fyri tíggjuáraskeið - lýsa Klaksvíkar søgu soleiðis, sum tú ikki áður hevur fingið hana lýsta.
Hvar: Smæran
Týsdagin 19. februar kl. 15.00 í Smæruni hugleiðir Alfred Olsen um Dannebrogsmannin
Mikudagin 20. februar kl. 17.00 í Smæruni hugleiðir Jógvan Edmund á Geilini um Árant Úti á Bø í Svínoy
Hósdagin 21. februar kl. 15.00 í Smæruni hugleiðir Jonna Johannessen um tíðina í Føroyingahavnini