Heimasíðan hjá KOKS krasjaði
So stórur var áhugin fyri at bóka pláss á KOKS, at heimasíðan hjá matstovuni við Leynavatn krasjaði beint eftir at kunngjørt var, at Poul Andrias og tey høvdu fingið tvær Michelinstjørnur.
Ferðaskrivstovurnar munnu gníggja hendurnar, nú KOKS í gjárkvøldið vunnu tvær stjørnur. Í øllum førum tykist útlendski áhugin fyri at fáa borð Frammi við Gjónna at vera ovurstorur.
Jóhannes Jensen, stjóri fyri Gist og Vist, greiddi frá, at heimasíðan hjá KOKS krasjaði um sama mundið, tá greitt var, at tvær stjørnur fullu í teirra lut.
Tað var ein rørdur Jóhannes Jensen, sum Norðlýsið fekk orðið á, beint eftir handanina í Århus.
- Vit vistu av ongum. Vit høvdu als onga ábending fingið um hesa stórhending.
Eg eri snøkt sagt málleysur, men sjálvandi errin av mínum liðið. Poul Andrias og Karin Visth eiga allan heiðurin uppibornar, sum tey hava fingið í kvøld.