Nýggjar ljósmastrar við Djúpumýru
Samlaði kostnaðurin fyri nýggju ljósmastrarnar er uml. 3,5 mió.kr. harav FSF rindar kr. 600.000,-
Arbeitt hevur verið kring vøllin í eina tíð, og abeiðið, sum nú er í gongd, er at leggja undirstøðið til nýggju ljósmastrarnar. Hetta er alt liður í arbeiðinum, sum skal tryggja, at økið rundan um vøllin verður nútímans gjørt, og somuleiðis góðkent til altjóða dystir.
Í samband við at arbeitt verður kring vøllin við Djúpumýru, er ferðslan á Bøgøtu einvegis suðureftir (bussar undantiknir) frá 20. februar 2019 og til arbeiði er liðugt. Heitt verður á bilførarar, um ikki at parkera bilar á økinum fram við vestaru síðu (Millum Atlantis og KÍ høllina).
Borgarstjórin, Jógvan Skorheim, sigur at í hesum umfarinum verða tvær ljósmanstrar settar upp á Bøgøtu, men ætlanin er at gera áskoðarapláss ímillum manstrarnar í framtíðini.
Koyrandi verður framvegis eftir Bøgøtu tá arbeiði er liðugt, og sum skilst fylla mastrarnar munandi minni enn undirstøði ella fundamenti sum nú er útgrivið fyri, sum myndin vísir.