Lýsing

I AM við nýggjum staklagi

SKRIVAÐ: Tíðindaskriv  |  28.02.2019 - 18:39 Kykmynd Mentan Tíðindaskriv

Kristni rokkbólkurin I AM eru komnir við nýggjum staklagi, nú teir gera seg til reiðar til stóra hátíðarkonsert saman við P.O.D.

Lagið eitur “Can’t Stand (That Face)” og varð tað framleitt bæði í Føroyum og í Danmark. Alvin Ellebye stóð fyri upptøkuni av ljóðførum í Klaksvík, meðan Søren Mikkelsen upptók sang og stóð fyri heildarframleiðsluni av lagnum í Medley Studios í Keypmannahavn. Søren Mikkelsen hevur fyrr samstarva við donskum nøvnum sum Kim Larsen, Magtens Korridorer og Søren Huss.

“Can’t Stand (That Face)” er eitt av tyngru løgunum hjá I AM. Men hóast tyngd og tónleikaligan ágang, so er lagið melodiøst og fangandi. Orðini snúgva seg um hvussu lættliga summi fara um lívsins álvarsomu og stóru spurningar.

Til sangin hava I AM gjørt eitt videolag. Tað varð framleitt av Raclip og kann síggjast niðanfyri. Pætur Høj leikstjórnaði videolagnum, sum varð tikið upp í missiónshúsinum á Eiði.

I AM hava nógv ár á baki í føroyskum tónleikahøpi. Bólkurin byrjaði miðskeiðis í 90'unum í Klaksvík og hevur tvær fløguútgávur á baki. Teir hava spælt á landsins stórstu pallum, ligið ovast á hittlistunum og hava somuleiðis verið uttanlanda og spælt í fleiri umførum. Í ár eru tað 20 ár gingin síðani fyrra fløga teirra, CAST, kom á marknaðin. Ein teirra kendasti sangur, “Alla leið”, var at finna á tí fløguni.

Hesin 20-ára dagur verður hátíðarhildin á ein serligan hátt 22. mars, tá ið I AM skulu spæla saman við kenda amerikanska tungmálmsbólkinum P.O.D. Konsertin verður í høllini á Hálsi í Tórshavn. Atgongumerki kann keypast her.

Seinna fløgan hjá I AM kom út í 2003 og æt hon “xthree.one.four”.

Limirnir í I AM eru:

Birgir Sigurðsson — sang
Eyðbjørn Jacobsen — bass
Heðin Askham — ljómborð
Hans Ove Johansen — trummur
Arni Zachariassen — gittar

 

Staklagið kann hoyrast her. 

Lýsing
Seinastu tíðindini
Vilja broyta nøkur konkret ting
Upptakt: KÍ-EB/­Streymur
Norð­oyastevnublaðið kemur mikudagin
Það er nauðsynlegt að sigla, en ekki nau…
Politikarar kappaðust í egningarskúri­num…
KÍ fekk stig í Sørvági
9 ár síðan Roysningu­rin Ári, vitjaði
Sonja kann bjarga Tjóðveldis­flokkinum
Sambands­flokku­rin aftur á Fólkating
Fríggja­dagin hitti borgar­stjó­rin borgars…
Rukkulakkin á Norð­oyastevnu
Jørgen lýsir fyrstu 20 dagarnar hjá Heði…
Hjálpar­fólk til Føroya størsta heilsutil…
#400 er klar til at opjusteres
Tveir KÍ-leikarar á U21-lands­liðnum
Vælkomin Seglskip
Javnaðar­flokku­rin vil skapa ítøkilig úrs…
4.300 vitjaðu Atlantic Fair
Bjørn Kalsø stillar ikki upp til Fólkati…
Kykmynd: Sáttmálin longdur