Í morgun var vakurt, at møta til fyrsta ruddingardag fyri fótbóltinum, nú KÍ skal hitta arvafíggindan HB á ársins fyrsta dysti. Okkara partur skal ikki liggja eftir, hildu ruddararnir í morgun, tá vøllurin, skýlið og rundan um vøllin var ruddað.

Alexander og Jón Harald vóru har frá kommununi við teirra maskinum. Ísurin og kavin á vøllinum bleiv skjótt ruddað burtur, bæði orsakað av maskinuum og sólini, so hann sær nú út sum ein vakran summardag. Sjálvbodna ruddingartoymið var í morgun samansett at Tummas Lervig, Hans Olav Hansen, Kári Vitales, Maller Jacobsen, Oliver Joensen og Árna Elttør. Kristian Andreasen og Andor Isaksen, ið báðir eru við tá teir eru heima, vóru til skips í morgun, Sonhard Johannesen hoyrir eisini til toymið, men hann er tíðum til arbeiðis sunnudagar á Høvdavirkinum í Leirvík.

Uppi yvir kaffinum bleiv nógv tos um hvør fór at vinna í dag. Vit vóru sjálvandi samdir um, at okkara lið fór at liggja omaná, har var ongin ivi. Um tað var vitið ella trúgvin sum ráddu skal ikki takast støða til her.

Koyr á KÍ

G.G. Í dag fyllir ein fyrrverandi KÍ leikari 50 ár, tað er okkara Harley Bertholdsen!