Lýsing

Betri Banki hevur keypt partabrøv í Suðuroyar Sparikassa

SKRIVAÐ: Tíðindaskriv  |  13.03.2019 - 14:01 Tíðindaskriv Vinna

Í sambandi við hækkan av partapeninginum í P/F Suðuroyar Sparikassa í 2012, sum hevði til endamáls at brynja P/F Suðuroyar Sparikassa til framtíðarkrøv, tók Suðuroyargrunnurin upp lán frá lánveitara. Hetta lán kundi sambært avtalu afturgjaldast við partabrøvum í P/F Suðuroyar Sparikassa. Hetta hevur ført til, at partabrøvini eru avhendað til P/F Betri Banka, sum nú eigur 25% av Suðuroyar Sparikassa.

“P/F Suðuroyar Sparikassi hevur ein tryggan marknaðarpart í Suðuroy við sera góðum privatkundum, so vit vóru ikki í iva um at taka av. Vit eru eitt serføroyskt samtak, ið bara virkar á føroyska marknaðinum, so hetta var ein upplagdur møguleiki hjá okkum at gera eina íløgu í Føroyum.” sigur Jean Djurhuus, forstjóri í P/F Betri Banka.

Bæði Jean Djurhuus og Søren L. Bruhn, stjóri í P/F Suðuroyar Sparikassa, síggja hetta sum ein møguleika at menna eitt samstarv til gagns fyri kundarnar. Enn eru møguleikarnir ikki viðgjørdir, men Søren L. Bruhn leggur aftrat, at kundar í Suðuroyar Sparikassa kunnu fáa ágóða av einum tættari samstarvi við P/F Betri Banka, eins og við aðrar spælarar í føroyska fíggjargeiranum.

Søren L. Bruhn vísir á, at hóast P/F Betri Banki nú verður partaeigari í P/F Suðuroyar Sparikassa, fær hetta ikki ávirkan á, hvussu P/F Suðuroyar Sparikassi verður rikin og skipaður. Sølan ávirkar ikki ræðisrættin hjá Suðuroyargrunninum, sum við sínum 66 % ognarskapi hevur fult ræði á P/F Suðuroyar Sparikassa.

Lýsing
Seinastu tíðindini
Vilja broyta nøkur konkret ting
Upptakt: KÍ-EB/­Streymur
Norð­oyastevnublaðið kemur mikudagin
Það er nauðsynlegt að sigla, en ekki nau…
Politikarar kappaðust í egningarskúri­num…
KÍ fekk stig í Sørvági
9 ár síðan Roysningu­rin Ári, vitjaði
Sonja kann bjarga Tjóðveldis­flokkinum
Sambands­flokku­rin aftur á Fólkating
Fríggja­dagin hitti borgar­stjó­rin borgars…
Rukkulakkin á Norð­oyastevnu
Jørgen lýsir fyrstu 20 dagarnar hjá Heði…
Hjálpar­fólk til Føroya størsta heilsutil…
#400 er klar til at opjusteres
Tveir KÍ-leikarar á U21-lands­liðnum
Vælkomin Seglskip
Javnaðar­flokku­rin vil skapa ítøkilig úrs…
4.300 vitjaðu Atlantic Fair
Bjørn Kalsø stillar ikki upp til Fólkati…
Kykmynd: Sáttmálin longdur