Lýsing

Opið bræv

SKRIVAÐ: Tíðindaskriv  |  15.03.2019 - 13:30 Politikkur Tíðindaskriv

Høvuðssamstarvsnevndin (HSN) fyri Sjúkrahúsverk Føroya (SF), undantikið ovasta leiðsla, hevur á fundi í dag viðgjørt brátt íkomnu støðuna nú, sjúkraverksstjórin, Jóanis Erik Køtlum (JEK), brádliga segði seg úr starvinum.

Vit undrast á, at samstundis, sum sjúkrahúsverkstjórin sigur, at orsøkin til uppsøgnina er vantandi samskifti við HiMr, so kennist landsstýriskvinnan ikki við hesar trupulleikar.

Í HSN hava vit undir leiðslu av JEK upplivað eitt mennandi, gevandi og professionelt samstarv, sum hevur breitt seg gjøgnum alt sjúkrahúsverkið, millum sjúkrahús, deplar, deildir, fakbólkar og starvsfólk.

Saman við samlaðu sjúkrahúsverksstjórnini og ovastu leiðsluni hevur JEK frá fyrsta degi virkað fyri góðum samarbeiði og harvið øktum trivnaði millum starvsfólk í SF.

Nevndu almennu útsagnir týða uppá samstarvstrupulleikar millum HiMR og SF. Við støði í tí, vit longu hava skrivað, hava vit torført við at skilja, hví hesir samstarvstrupulleikar hava verið millum nú fyrrverandi sjúkraverkssjóran og HiMR, tí síðan JEK tók við stjóra- starvinum í SF, hava vit starvsfólk upplivað vaksandi góðan trivna, har JEK á ein visioneran hátt hevur boðað frá empatiskum leiðsluhátti, sum hann beinanvegin vísti í verki, tá hann tók við starvinum.

Øll starvsfólk í visión JEK’s - frá stjórn og út í ytsta lið í bygnaðinum skuldu kunna koma til orðanna og hava møguleika fyri ávirkan.

Okkara varhugi er, at hugurin og arbeiðsgleðin á SF eru munandi vaksin, síðan JEK tók við sum sjúkrahúsverksstjóri. Menta virksemið í høvuðssamstarvsnevndini og 9 lokalar virknar samstarvsnevndir í SF eru dømi um tað arbeiði, ið longu er sett í gongd, til tess at fremja samstarv á øllum stigum í SF.

Nógvar avbjóðingar standast av at leggja trý sjúkrahús saman. Hetta er ein stór verkætlan, sum vit sjálvandi ikki endaliga kunnu røkka eftir einum ári. Samanleggingin av sjúkra- húsunum hevur higartil gingið væl, ikki minst tí, at leiðslan við JEK á odda hevur megnað at fáa tann boðskapin fram, at við jaligum samstarvi koma vit øll styrkt úr eini samanlegging.

Tá JEK vísir á, at hann upplivir tvørrandi samskifti við HiMR, og saknar stuðul og virðing frá tí politiska og tí fyrisitingarliga, eru vit sannførd um, at hann ikki tekur hetta úr ongum.

Vit vilja tí staðiliga heita á landsstýriskvinnuna um at hoyra fyrrverandi stjóran og taka hansara útsagnir í størsta álvara, hetta fyri at koma nærri kjarnuni av tí trupulleika, sum er orsøkin til, at okkara stjóri hevur sagt seg úr starvi.

Við heilsan

Høvuðssamstarvsnevndin Sjúkrahúsverk Føroya Fundarluttakarar:

Óluva Poulsen, næstforkvinna

Svend Erik Saxov

Jórun Simonsen
Lív Østerø
Jónvør Olsen
Kasper Kyhl
Heidi á Høvdanum

Annika Magnussen
Eydna Iversen Lindenskov

Bjarki Ellefsen

Elin Jensen
Jóan Símun Saltá

Skrivari: Óli Arge

Lýsing
Seinastu tíðindini
Skúvadals­húsið egið elverk
Kølið og ælaveður í dag
Uppstillingarfundur og hugni
Takk til Sambands­flokkin fyri sera jalig…
Norð­oyastevnu­framsýningin 2019
Vilja broyta nøkur konkret ting
Upptakt: KÍ-EB/­Streymur
Norð­oyastevnublaðið kemur mikudagin
Það er nauðsynlegt að sigla, en ekki nau…
Politikarar kappaðust í egningarskúri­num…
KÍ fekk stig í Sørvági
9 ár síðan Roysningu­rin Ári, vitjaði
Sonja kann bjarga Tjóðveldis­flokkinum
Sambands­flokku­rin aftur á Fólkating
Fríggja­dagin hitti borgar­stjó­rin borgars…
Rukkulakkin á Norð­oyastevnu
Jørgen lýsir fyrstu 20 dagarnar hjá Heði…
Hjálpar­fólk til Føroya størsta heilsutil…
#400 er klar til at opjusteres
Tveir KÍ-leikarar á U21-lands­liðnum