Lýsing
Tá veiðugjøldini vórðu til viðgerðar í løgtinginum hósdagin var ilt at meta um hvørt Bjarni Hammer úr samgonguni tekur undir við teimum. Frá tingsins røðarapalli vísti hann á fleiri ivamál við fyriliggjandi uppskoti um veiðugjøld á fiskivinnuna. | Mynd: Oliver Joensen

Veiðigjøldini helst av ongum

SKRIVAÐ: Jóhann Lützen  |  23.03.2019 - 15:44 Leiðarin Politikkur Vinna

Norðlýsið skilir, at enn einaferð er ætlanin at “sylta” veiðigjøldini. Enn sum áður er trupulleikin, at samgongan ikki er samd um tey. Hesaferð verða tey helst endaliga slept fyri tó møguliga, møguliga ikki, at verða tikin fram aftur aftaná løgtingsvalið.

Tey hava verið ein tann tyngsti burðurin hjá samgonguni, gjøldini fyri tey fiskiveiðirættindi, sum ikki verða seld á uppboðssølu. Í november 2017 fingu tey fyrstu viðgerð, men skjótt var greitt, at fleiri í samgonguni ikki vildu vita av teimum. Fyri at bjarga samgonguni undan at tey skuldu verða feld í tingsalinum, læt Vinnunevndin tey ikki koma út aftur. Tey duttu tí burtur flaggdagin 2018, tá tingsetan endaði.

Hetta var ein hálv eyðmýking av vinnunevndarforkvinnuni, Bjørt Samuelsen, og tá fiskimálaráðharrin 5 mánaðir seinni legði neyvt sama uppskot fyri tingið aftur, noktaði hon eisini blankt at viðgera tað. Nú er so eitt triðja uppskot lagt fyri tingið, men kuril er framvegis á samgongutráðnum. Andstøðan eigur meirilutan í Vinnunevndini og kann velja at “sylta” uppskotið, sum tað eitur. Løgtingið kann gamaní atkvøða tað úr nevnd, men har hevur Bjarni Hammer sagt, at hann er ikki so heitur fyri veiðigjøldunum.

Tað nyttar neyvan tað stóra at trumla tey ígjøgnum heldur, tí løgtingsval verður antin í summar ella í heyst, og tann nýggja samgongan fær lætt við at at annullera tey aftur, tí tey ikki høvdu komið í gildi fyrrenn á nýggjárinum óansæð. Tey kunnu sostatt setast úr gildi, áðrenn tey í heila tikið koma í gidi.

Alt bendir tí á, at hesin tungi burðurin verður eitt fosturlát.

Lýsing
Seinastu tíðindini
KÍ spælir neyvan lands­kappingardyst koma…
Dystirnir móti Luzern eru lagdir
Kom og takið synd í Fólka­flokkinum
Fyrsta venjingin á nýggja graslíkinum
Fyrsta standmynd í Føroyum av navngiv­nar…
Ein glaður Frits í Glæmuni
Klaksvík­ingar tóku Svangaskarð til sín
Norðoya Fólkafloks­felag er liðugt við sí…
Líðhamar góðan túr í dag
Fimm dystir á rað uttan tap í Europa kap…
So nógvar pengar fær KÍ fyri Europa Leag…
KÍ skrivaði søgu - Myndarrøð
Skarbalius: Uppiborið at KÍ fer víðari
Merkta grindin í Íslendskum sjógvi
Líðhamar roktúr norð­anfyri
Góð fótbóltslíkindi í kvøld.
Jóannis Erik Køtlum stillar upp fyri Tjó…
Snellan oyðir ongan fisk
Munur á býráðs­politikarum í Runavík og K…
Kristian Isaksen 90 ár