Lýsing
Lýsing

Miseydnað kvettroynd í Sjálvstýri

SKRIVAÐ: Jóhann Lützen  |  26.03.2019 - 09:21 Leiðarin Politikkur

Fyrrverandi landsnevndarformaðurin Rógvi Fossadal og fyrrverandi sambandstingmaðurin Bjørn á Heygum hava seinastu dagarnar lagt núverandi formannin í flokkinum undir at vilja forða fyri, at flokkurin veksur, eins og annar teirra hevur ført fram, at formaðurin er meira fólkafloksmaður enn sjálvstýrismaður, umframt at nevna brøðrasamkomuna sum hálandi í træðrirnar í hesum sambandinum.

Hetta var ein heldur ófrættakendur retorikkur, har samkomutilhoyr ikki bara varð vavt uppí, men har Rógvi Fossadal enntá skrivar, at floksformaðurin er í lummanum á Betesda, sum í veruleikanum stýrir Jógvani Skorheim.

Verður lisið longri í atfinningunum, kemur fram, at Rógvi Fossadal er harmur um ikki at vera sloppin í samgongu við ta sitandi landsstýrissamgonguna. Og enn longur niðri stendur, at hann eisini harmast um, at Magni Laksáfoss ikki er komin uppí flokkin. Men ongastaðni vísir Rógvi Fossadal á, at hann tosar fyri øll sjálvstýrisfólk, ella meirilutan av teimum, tá hann harmast um hesi tingini.

Valfeløgini í Eysturoy og í Norðoyggjum komu eftirfylgjandi út og stuðlaðu sitandi formanni, Jógvani Skorheim. Og somuleiðis ungmannafelagið Ungt Sjálvstýri. Einasti stuðulin, Rógvi Fossadal fekk, var frá formanninum í lokalfelagnum í Streymoynni.

Eftir øllum at døma stuðlar fyrrverandi sambandsmaðurin Bjørn á Heygum einum øðrum fyrrverandi sambandsmanni, Magna Laksáfoss, í at sleppa inn í flokkin, og Rógvi Fossadal roynir at fáa m.a. tað til at síggja út til at vera betri sjálvsstýrispolitikk enn politikkin hjá Jógvani Skorheim.

Verður kagað í atkvøðutølini frá seinasta vali, tekna Bjørn á Heygum og Rógvi Fossadal seg fyri tilsamans 108 atkvøðum, meðan Jógvan Skorheim einsamallur fekk 389 atkvøður. Vert er eisini at leggja til merkis, at sjálvt í Tórshavn fekk Jógvan Skorheim fleiri atkvøður (63) enn Bjørn á Heygum (39) og Rógvi Fossadal (8) tilsamans.

Hvussu einasti veruligi atkvøðuslúkur Sjálvstýrisins skal vera størsta forðingin fyri, at flokkurin kann vaksa, saknar framvegis eina frágreiðing.

Lýsing
Seinastu tíðindini
Norðoya Gongufelag 2020 
Flogbóltur fær pláss á frímerkjum mánada…
Klaksvíkar Sjónleikara­felag ársaðalfund
Húsaprísir­nir kunnu økjast enn meira
Við Mjølnir-bussi til steypafinalurnar
Olaf Olsen segði frá í Betesda
Vinnulívs­ráðið netverksfund á Hotel Klak…
Stórt ungdóms­tiltak í Svimji­høllini
Núpur gjørt góðan túr eftir hýsu
Arktis í Miðhøll­ini á Skúlatrøð
Sjúkra­húsverk Føroya
Kvikk landar seinnapartin
Polarhav og Stjørnan góðan túr
Kári P. Højgaard í Smæruni
Betesda Torrakafé
Tøkk - Finnur Sigurðsson
Armgarð: Takk fyri hjálpina
Klaksvíkar Badminton­felag í serflokki
Myndarøð: Vinnutingið
Myndarøð: Fiski­vinnu­tingið