Ægir luttók við 23 svimjarum, og megnaðu svimjararnir at vinna 18 av 38 kappingum. Eftir at kappingin er liðug, hava tríggir svimjarar hjá Ægir klárað kravtíðina til Oyggjaleikirnar. Signhild Joensen og Rókur Trygvason kláraðu kravtíðina tíðliga í kappingarárinum, meðan Rebekka Trygvadóttir kláraði kravtíðina fríggjakvøldið, á fyrstu kappingini á Atlantic Open 2019, tá ið hon svam 400 blandað við tíðini 5.03.07.

Sigast kann annars, at svimjararnir hava havt eina góða kapping, har teir hava sett fleiri persónlig met, og eisini er eitt nýtt føroyskt met sett á 50 metrum hjá monnum av einum Ægir svimjara. Rókur Trygvason svam teinin á 23.14 og tók gamla metið hjá Páli Joensen frá 2009, sum var 23.19.

Á heimasíðuni hjá http://livetiming.dk/index.php?cid=4533 eru øll úrslitini frá kappingini