Lýsing
Lýsing
Hov | Mynd: hov.fo

Saman fremja vit loysingina                 

SKRIVAÐ: Tíðindaskriv  |  03.04.2019 - 14:57 Politikkur Tíðindaskriv

Politiska kósin næstu fýra árini verður høvuðsevnið á flokstinginum hjá Tjóðveldi, sum verður í Hovi um vikuskiftið.

Tjóðveldi heldur floksting í Kommunuskúlanum í Hovi fríggjadagin 5. og leygardagin 6 apríl undir heitinum "Saman fremja vit loysingina".

Komandi mánaðirnar skulu føroyingar tvær ferðir á val. Flokstingið fer í stóran mun at snúgva seg um løgtingsvalið. Politiska støðan verður gjørd upp og politiska kósin til løgtingsvalið verður sett út í kortið. Fyri Tjóðveldi er tað avgerandi, at valini í ár snara kósina frælsisvegin og seta ferð á móti loysingini.

Harumframt verða gestarøður frá Hilmar Eliassen, stjóra á Strandfaraskipum Landsins og frá Guðmundi Joensen, leiðara á Ítróttarháskúlanum í Suðuroy.

 

Fyrsti flokstingsdagur

Flokstingið byrjar kl. 20 fríggjakvøldið, tá Gunnhild Dahl Niclasen, aðalstjórnarforkvinna, setir tingið. Síðan verður mentanarligt tiltak, sum Eyðun Nolsøe skipar fyri.

Kl. 20.45 verður flokstingið skipað við tingformanni og tingskrivara, og sum siður er verður yvirlýsingartoymi valt.

Á skránni fríggjakvøldið er framløga av roknskapi, umrøða av innkomnum málum og atkvøðugreiðsla. Fríggjakvøldið endar við vali av starvsnevnd, grannskoðarum og tiltakslimum.

 

Annar flokstingsdagur

Flokstingið byrjar leygarmorgunin kl. 8.30 við morgunmati. Kl. 9.30 verður formansfrágreiðing, og eftir formansfrágreiðingina verður politiskt orðaskifti um formansfrágreiðingina og politisku mál floksins.

Eftir matarsteðgin á middegi leygardagin, kl. 13.15, fer Hilmar Eliassen, stjóri á Strandfaraskipum Landsins at halda gestarøðu.

 

Landsstýrisfólk og tingmanning leggja fram

Eftir gestarøðuna verður tiltak, har landsstýrisfólk og tingfólk floksins fara at gera støðuna upp, nú valskeiðið er komið móti endanum, og greiða frá hvat tey meta at næstu stigini skulu verða.

Kl. 14.30 fer Guðmundur Joensen, leiðari á Ítróttarháskúlanum í Suðuroy at halda gestarøðu, og síðani verður politiska orðaskiftið tikið uppaftur.

Tá orðaskiftið er liðugt verður frágreiðing frá Unga Tjóðveldi, áðrenn yvirlýsing frá flokstinginum verður kunngjørd kl. 17.30.

 

Stroyming

Leygardagin kunnu øll fylgja við flokstinginum á heimasíðuni hjá Tjóðveldi, www.tjodveldi.fo. Øll skráin leygardagin verður stroymd og byrjað verður at stroyma kl. 9.30 leygarmorgunin, tá Høgni Hoydal, floksformaður, heldur formansfrágreiðingina

 

Veitsla

Um kvøldið verður veitsla fyri øllum tjóðveldishugaðum í Miðnámsskúlanum í Hovi.

Tekning til veitsluna kann gerast hjá Finnbjørn, telefon 259554 og Bárður, telefon 282708 ella umvegis teldupost: bardurnielsen@gmail.com.

Kostnaðurin er 250 krónur og kann gjaldast á konto 6460-495.434.5

Lýsing
Seinastu tíðindini
Her kunnu málini hjá KÍ síggjast
Stórt tunnilsblað næsta leygardag
Veðurlagsbroyt­ingar – ikki nakað nýtt!
Helgi á odda
Skráin fyri mentan­arnátt­ina á Tvøroyri t…
Páll A. Klettskarð er skaddur
Listaframsýning í Gøtu á páskum
Kom við á Føroya Eftirskúla
FM-finalur­nar, menn: Mjølnir vann 3-1 á…
KÍ er nýtt oddalið
Fyrstu ferð B36 ikki skorar í tvey ár
KÍ kvinnur­nar fingu javnleik ímóti ÍF/­Ví…
Fótbólt­veðrið
Unglingalands­liðið í badminton til Berli…
Onki kemur av sær sjálvum
Løgfrøði á Setrinum er neyðug og kvalifi…
I AM konsert i Soli deo Gloria
Flogbóltur, FM-finalur: So er høllin klá…
Manning og reiðarí missa stórar upphæddi…
Upptakt: B36-KÍ