Tónlistaskúlin á Røktarheiminum
Í kvøld vóru næmingar á Tónlistaskúlanum á Røktarheiminum og hugnaðu um búfólkini á Niðristovu og Uppistovu. Tað tóktist, sum um ungu tónlistafólkini hugnaðu sær rættuliga og eisini tóku búfólkini og starvsfólkini sera væl í móti. Starvstólk, sum vit tosaðu við á Røktarheiminum søgdu, at tað var ógvuliga kærkomið at fáa slíka vitjan, tí búfólkini eru serliga glað tá børn og ung koma á gátt. Eisini er hetta ein annarleiðis løta í dagligdegnum hjá teimum, sum her búgva, tá ungir tónleikarar taka yvir eina løtu. - Jú vit og búfólkini seta stóran prís upp á at lærarar og næmingar seta tíð av til okkara.
Saman við næmingunum vóru eisini lærararnir Helga og Laila frá Tónlistaskúlanum. Bæði í Niðristovu og Uppistovu endaði vitjanin við at næmingarnir, saman við búfólkunum sungu ein felagssang.