Hæsingur í vikuskiftinum
Síðan hósdagin og líka til týsdagin í vikuni, sum kemur, fer vindurin at koma úr landsynningi ella landsynningi-suðuri. Vindferðin verður eitt sindurskiftandi.
Einki brúgvalag við regni ella øðrum avfalli fer at leggja leiðina framvið, so tað fer yvirhøvur at vera turt í Føroyum næstu dagarnar.
Hæsingur er áhaldandi turr luft úr somu ætt – fyri tað mesta onkrari eysturætt. Veðrið í Føroyum fer at vera stýrt av einum hátrýsti, sum stendur yvir skandinavisku hálvoynni (t.e. Norra og Svøríki). Umframt at geva okkum hátrýstveður, fer tað at verja okkum ímóti djúpum lágtrýstum úr Atlantshavi næstu dagarnar.
Luftin í hesum hátrýsti er um 5 stig, men hon ornar eitt sindur á vegum til Føroya. Hitin í Føroyum fer at koma upp ímóti 8-9 stig í vikuskiftinum.
So veðrið fyri næstu dagarnar er ikki fløkt at skriva um. Ættin í ímillum landsynning og landsynning-sunnan, vindferðin fer at vera um 13 m/s (±), og hitin fer at liggja ímillum 7 til 9 stig. Og tað verður yvirhøvur turt hesar dagarnar.