Lýsing

Føroyar og sjálvsagdur Limaskapur í altjóða Olympisku nevndini, IOC

SKRIVAÐ: Jens Heri Bolstad Mortensen  |  15.04.2019 - 09:18 Lesarabrøv Tíðindi

Føroyingar eru ómetaliga reystir í ítrótti, Vit standa mát við heimselituna í nøkrum greinum, og eru væl við í fleiri øðrum.

Hetta kemur ikki av ongum, men letur seg bert gera, tí vit hava so nógv ótrúlig og dugnalig ítróttarfólk, venjarar, og ikki minst sjálvboðin kring landið.

Tað er onki annað enn eitt bragd, tá ið tú hugsar, hvussu fá vit eru í tali, og hvussu avmarkaðar møguleikar vit hava - hetta hóast ta sannroynd, at hallir og hyljar eru kring oyggjarnar.

Vit kenna ivaleyst øll søguna um kempuna úr Vági, Pál Joensen, sum bardi seg upp á alheims tindar í svimjing. Hann gjørdi hetta hóast, at kringumstøðurnar als ikki vóru nøktandi, men eg eri sannførdur um, at tað sum spældi sína stóra leiklut var, at Pál svam fyri Føroyar og Merkið, og at hetta gav honum miklan mátt og megi.

Tit, sum hava umboðað okkara land í altjóða ítrótti, kenna ivaleyst hesa fantastisku kensluna, sum tú fær í kroppin, tá ið tjóðsangurin verður spældur, og Merkið veittrar í húnarhátt.

Tú kennir á tær, at tú fer at geva alt, og at hetta hevur størri týdning enn nakað annað, júst í tí løtuni. Eg má siga fyri meg sjálvan, at hendan kenslan hevur havt týdning, tá ið á hevur staðið, og ein javnur dystur skuldi avgerðast, tú hevur fingið eyka megi. Tað er sera torført at lýsa neyvt, men øll tit, sum hava verið á einum landsliði, vita hvat eg tosi um.

Tá ið eg verði valdur á ting, fari eg at arbeiða miðvíst saman við øllum góðum kreftum í Føroyum at tryggja okkum limaskap í altjóða olympisku nevndini.

Eg veit, at hetta er ómetaliga torført, og at góð fólk hava roynt í nógv ár, men eg eri sannførdur um, at hetta kann lata seg gera, serliga við einum altráðum umboði á tingi.

Hvussu ótrúligt hevði tað ikki verið um føroysk ítróttarfólk kundi marsjera inn á Stade De France í 2024 meðan merkið veittraði saman við øllum hinum fløggunum.

Latið okkum øll, sum elska ítrótt standa saman um hetta.

Jens Heri Bolstad Mortensen

Valevni fyri Sjálvstýri

 

Lýsing
Seinastu tíðindini
SEMJA í málinum um setan av forstjóra og…
Borgar­stjó­rin fegnast um nýggja graslíki…
Graslíkið tikið av
Open by night í Klaksvik
Eitt vakurt summarkvøld
Peningastovnar­nir læna mest út til húsar…
Articon og IRF í felags verkætlan
Grein 52 a fyrispurn­ingur til landsstýri…
Moralska kumpassin
Menningar­kvotur til Sandoynna tað einast…
Ófør at fáa børn, men ikki at hýsa
Verða menningar­kvotur­nar goymdar til val…
4 milliónir døgurðar um dagin!
KÍ havt sína síðstu venjing á hesum gras…
Dropi í lívsins havi
Heilsan – hitt nýggja stættar­stríðið
Nalja spælir á festivali!
Lat okkum menna samstarvið
Skúvoyggin skal ikki skeklast burturúr
Ein ótrúligur “Dropi í lívsins havi”