Fólk hava skrivað, hvussu veðrið hevur verið tey seinastu 400 árini ella so. Ein kann altíð seta spurnartekin við góðskuna av mátingunum – bæði teim gomlu og teim nýggju – men tað verður altíð roynt at gera hetta á allarbesta hátt við bestu tólunum.

Mátingarnar tey seinastu 50 árini eru í allarbestu góðsku og eru mettar sum sera álítandi. Afturat bestu mátitólinum eru eisini fylgissveinar brúktir.

Veðurstøðir kring heimin – serliga í vesturheiminum hava sett saman tølini, sum eru fingin til vega, tá ið veðrið er kannað.

Hitalagið á jørðini síðan 1880Á myndini omanfyri er hitalagið á jørðini 1880 til 2011. Upp- og niðureftir, men eingin ivi er um eina øking à 0,8 stig. 

Á strikumyndini sæst, at hitalagið kring heimin øktiskt eitt sindur í 1920/30 og legði seg á eitt støði, sum var 0,2 stig omanfyri.

Eftir tað var hitalagið aftur eitt sindur støðugt, til vit koma til 1980ini, Tá fór miðalhitin á jørðini aftur at ganga uppeftir. Enn sæst eingin endi á økingini.

Tað eru tøl fyri hitalagið í Føroyum eisini, og samanberingar kunnu gerast.

Eitt lop er í strikumyndini í 1941. Tá var hitin eitt sindur oman fyri miðal í august mánað í Føroyum, og tað var væl minni av avfalli.  

Lægsti miðalhitin er umleið 1912. Í Føroyum var miðalhitin í august eitt sindur undir miðal hetta árið, og tað regnaði eitt sindur meiri enn miðal.