Býttu stigini
Dysturin millum Stjørnuna og H71 í kvøld gjørdist javnur og undirhaldandi, og endaði við javleiki.
Lagt varð upp til ein javnan dyst, tá bestu kivnnuliðini hjá Stjørnuni og H71 hittust í KÍ-høllini í kvøld. Stjørnan byrjaði betur, og kom á odda 7-3, men so kom stígur í hjá heimaliðnum, og næstu 8 minuttirnar skoraðu tær ikki, meðann ta hesa løtuna eydnaðist H71 at koma uppá javleik 7-7. Eftir eftir skiftust liðini um at skora, og hálveiksstøðan gjørdist javnleikur 12-12.
Tað gekk javnt á allan seinna hálvleik, tó var tað Stjørnan sum stóran part av hálvleikinum hevði eina leiðslu uppá eitt og tvey mál. Tá fýra munuttir vóru eftir at leika, var støðan 22-20 til Stjørnuna, men tað sum eftir var av dystinum, megnaður tær ikki at skora, meðan H71 hesa seinastu løtuna fekk tvey mál, soleiðis at endaliga úrslitið gjørdist javnleikur 22-22, og harvið býttu liðini stigini ímillum sín.
Máini hjá Stjørnuni skutu: Mina Sirdal 7, Katrin Bertholdsen 4, Tóra Eliasen 4, Monica Jacobsen 3, Sonja Sirdal 2 og Raluca U. Nagy 1