Netverksfundur fyri limir í Vinnulívsráðnum í Klaksvík
Íverksetarahúsið ynskir eitt uppaftur tættari samstarv við fyritøkurnar í Klaksvík og hevur tí boðið sær at hava komandi Netverksfundin, sum verður í Íverksetarahúsinum, á Garðavegi 57.
Byrjað verður kl. 9,30 við morgunmati og práti.
Nýggi stjórin á Íverksetarahúsinum, Sigrun Jónsveinsdóttir, leggur fyri við at greiða frá Íverksetarahúsinum og tosa um týdningin av at hava gott samstarv við vinnuna.
Síðani fara nøkur sjálvstøðug at greiða frá, hvussu tað er at arbeiða við virksemi sínum inni í Íverksetarahúsinum
Onkur uttanífrá fer at greiða frá síni fyritøku. Víðari verður greitt frá arbeiðinum undir heitinum “ung í arbeiði” og sum seinasta innleggið verður greitt frá fjarleystri í Klaksvíkar kommunu.
Møguleikar verða at koma við spurningum. Áðrenn Netverksfundurin endar hava fyritøkurnr í Vinnulívsráðnum møguleikar at tosa nærri saman.
Netverksfundurin er fyri limirnar í Vinnulívsráðnum í Klaksvík og teirra starvsfólk.