Lýsing

Flogbóltur, FM-finalur: So er høllin klár

SKRIVAÐ: Tíðindaskriv  |  18.04.2019 - 07:38 Ítrottur Tíðindaskriv

Høllin á Hálsi er nú klár til FM-finalurnar skírhósdag og leygardagin.

Kvinnufinalan:

Í kvinnufinaluni møtast SÍ og Fleyr.

Tað var Fleyr, sum lá á odda tá landskappingin endaði – tær høvdu 37 stig í mun til SÍ,sum hevði 35 stig. Fleyr lá á odda mest sum alt kappingarárið, men móti endanum kom SÍ fram um, men í seinasta dystinum millum liðini vann Fleyr 3-0 á SÍ, og endaði havnaliðið tí á fyrsta plássinum.

Liðini hava í kappingarárinum spælt 3 dystir ímóti hvørjum øðrum, harav liðini hava vunnið 3-0 hvør sín dyst, og Fleyr hevur vunnið ein 3-1.

Bæði liðini vóru eisini í steypafinaluni, og tá gjørdist SÍ vinnari við settmuninum 3-2, eftir eitt sera spennandi 5. sett, sum SÍ vann 15-12.

 

Mansfinalan:

Í mansfinaluni møtast Mjølnir og Fleyr.

Mjølnir gjørdist klárt oddalið í landskappingini við 44 stigum og taptu teir bert 3 dystir í árinum. Fleyr endaði á øðrum plássi við 23 stigum.

Liðini hava leikt 6 dystir ímóti hvørjum øðrum í landskappingini, harav Fleyr bert hevur vunnið tann eina 3-0, meðan Mjølnir hevur vunnið hinar fimm. Tveir eru endaðir 3-1 og tríggir eru endaðir 3-0.

Liðini møttust eisini í steypafinaluni. Eisini hesa vann Mjølnir 3-0.

Dystirnir verða leiktir soleiðis skírhósdag og leygardagin:

 

Skírhósdag:

13,30 SÍ – Fleyr, kvinnur

16,45 Fleyr – Mjølnir, menn

 

Leygardagin:

15,00 Mjølnir – Fleyr, menn


17,00 Fleyr – SÍ, kvinnur

 


 Um liðini vinna hvør sín dyst, verður alt avgjørt leygardagin við einum gullsetti, har leikt verður upp í 15.

Lýsing
Seinastu tíðindini
Kommunu­felagið: Lovið úr røttum kassa
Seinheilaskaði og hvat so?
Upptakt: KÍ-B36
Video: Løgtingsvalið hósdagin tann 7. ju…
Jákup á Borg væntar undirhald
Tobbi mynstrar á Tjóðveldislista­num
Framhald­andi menning av Klaksvík og Norð…
Vælkomin umborð
VEGIR OG TUNLAR = BLEYT VIRÐIR
Ongan ognarskatt
Vælferð
“Hvíla søtt á berjalyngi”
Temadagur við Svend Brinkmann
Ein rørandi og láturfylt løta á kajøkinu…
Stendur á jøvnum millum Mikkjal og Jákup
Fólk fjølgast í Føroyum
Vinnan hjálpir familjuni og teimum sum h…
Almennur fundur um heilsuverkið - nú og…
Nettoúrslitið hjá Bakkafrost fyri annan…
Olaf Fríðheim stillar upp: - Eg má verja…