KÍ vann 3-0 móti B36 í Gundadali í dag. Málini skoraðu Simen Sandmæl, Darius Lewis og Jóannes Bjartalíð. Talan var um taman dyst, har KÍ var betra liðið og sera effektivt. KÍ skoraði uppá mest sum allar sínar stóru málmøguleikar. B36 skapti mest sum einki í opnum spæli, meðan Árni Frederiksberg átti vandamiklastu royndirnar við tveimum fríspørkum.

Tá Skála so tapti, so legði KÍ seg á odda í deildini við 14 stigum fyri seks umfør.