Fótbóltsveðrið í dag
Frá á middegi í dag av er tað luft av meginlandinum í Evropa, sum kemur hendavegin. Hon er eitt sindur turrari enn luftin, sum er komin úr Atlantshavinum í gjár og partvíst fyrradagin.
Tað er eitt hátrýst yvir Eysturevropa, sum sendir luft ímóti okkum. Veðrið fer næstu dagarnar aftur at líkjast tí, sum var í síðstu viku.
Eitt brúgvalag hevur ligið um oyggjarnar í morgin, men tað er á veg norðurum. Tað regnar enn onkrasteðs, nú tveir tímar eru til kick-off.
Soo, meðan dystur er í Gundadali ímillum B36 og KÍ í dag, fer tað at vera eitt lítið lot – undir 5 m/s – úr suðuri. Hetta er minni vindur úr somu ætt sum tað var Skírishósdag.
Skýggini oman fyri vøllin eru við at fara og at leggja seg longur uppi í luftini. Møguliga okkurt æl við dystarbyrjan – men annars turt.
Hitin fer at liggja ímillum 9 og 10 stig.
Góðan dyst – og koyr á KÍ!