Lýsing

Helst ársins tala um íverksetan í Løkshøll

SKRIVAÐ: Arnstein Niclasen  |  06.05.2019 - 18:04 Lesarabrøv Mentan Tíðindi

Øll høllin var fullsett av fólki, sum við livandi áhuga lýddu á. Men ein sá hvørki KvF ella tignarlig tingfólk á fundinum í Løkshøll, fríggjadagin 3. mai.

Bæði etablissimentini áttu at lagt oyra til hesa hendinga løtu. Tí tað høvdu tey trongt til.

Hesi, við løgmanni á odda, høvdu alt annað at takast við. Tí tingið skuldi partú heim í 3 mána, væl lønta, feriu. Jú, heim á krossmessu. Sum tjaldrið, tí at reiðrið var fult.

So inniliga móð og troytt av at hoyra hini - og seg sjálvan, har ið ein so vist veit frammanundan, hvat ið sagt verður. Uttan undantak.

Ein útlúgvað samgonga. Ørmaktað av at verða stýrd við ár. Av búrbrótarum. Sum eitt nú frú Jógvansdóttir. Ikki tí, býtt er hon ikki! Hvussu hon annars er skrúva saman. Sama ger. Hon hevur dugað á tingi -.

Men, vónandi brestur okkurt fyri nev. Hóast mangt ikki kom við, og tí fór fyri bakka.

 

Í Løkshøll

Allar hinar talurnar hesa løtu hildu væl mát; men skiparin, Tummas Justinussen, hesin skaraði  framúr. Hann helt eina perfekta og inspirerandi talu. (Les: inspireratión, ikki tað ov ógvusliga orðafarið: íblástur).

So lætt og livandi. Álvari við skemtiligari afturundirgerð. Tað raplaði bara. Við skili og so týðuligt. Brúkti uppvarp við hógvi. Hevði onkran lepa í hondini. Sum hann nóg illa skeitti í. Tí, tað var óneyðugt. Hann maktaði evnið. Til fulnar.

 

Evnið

Um hvussu teirra vinnulívsleikur er farin og fer. Úr skúla. Til skips. Og nú 5 dynosura stór oljuveitingarskip. Um kreppur. Hart arbeiði og tíðartøku (timing). Um tíðarinnar øvuta skúlaskap. Fiski- og farmarakstur. “Norrønu” við avlopi. Hotel Hafnia o. o. átøk. Nýhugsan og patentir. Alt í einum.

Og endurreisn av “Katrinu Christiansen”, har ið William Heinesen búði síni fyrstu ár, og sáttligi skilamaðurin, Haldur Christiansen, handlaði yvir eina hálva øld.

Stutt sagt, ein frægdar løta – av teim heilt serstøku! – Ja, sjálvur, Eirikur (Eyrik), farbróðurin, hevði ikki klára tað betri(!).

 

Ein umbering

Men, hoyr meg, Tummas. Ber yvir við hesum hissini skeyta, ið, við blíðum heilsum, her er dottin úr huganum av einum til aldurs komnum garpi...

Tí, nú fara teir at herja á teg um, fyrst at lata teg stilla upp og síðani at tala í hvørjari vøsu; men, sum tað stendur í gomlu bókini við svartari permu, sum tey eldru kenna – bæði til skemt og álvara: “ Táið syndarar lokka teg, sig tá nei!”.

 

Lýsing
Seinastu tíðindini
Eingin hevur spælt við KÍ í Europa kappi…
Fiska frítt upp til 15 tons
Áskoðarar­nir hava avgerðandi týdning
Kaving, frá hjástarvi til nýggja vinnugr…
Eiga at fara undir flogvøll á Glyvursnes…
Bústaðir byggir framhald­andi tríggjar fe…
Jákup B góðan túr undir Føroyum
Uppisjóvarvirkið á hvørjum tanga og -ski…
Heðin Kambsdal í Galerie Focus
Team Klaksvík hevur sett venjarapar
Fugloyar­renningin 2019
Svangaskarð er klárt til KÍ
Minningarorð um Poul Nolsøe Laksáfoss
Norðsøki hevur rokast undir Íslandi
Poul Nolsøe Laksáfoss er farin
Golfklubbu­rin 30 ár
Ótespiligur lesnaður!
Gott lag í KRF neystinum í kvøld
Móttøka fyri kappróðrarbátunum
Hetta er ein frálík løta