Lýsing
Mynd: Information.dk

Fólkatingsval: Hvør verður forsætismálaráðharri?

SKRIVAÐ: Tróndur Ellingsgaard  |  07.05.2019 - 13:05 Politikkur Tíðindi

Eftir seinastu veljarakanningunum bendir alt á, at Mette Frederiksen verður nýggjur forsætismálaráðharri eftir fólkatingsvalið ið verður Grundlógardagin 5. juni.

Hetta er fyrsta fólkatingsvalið hvar Mette Frederiksen skal leiða danska Javnaðarflokkin. Hon gjørdist forkvinna eftir at Helle Thorning-Schmidt legði frá sær eftir valósigurin í 2015.

 

Seinastu veljarakanningarnar

Sambært seinastu veljarakanningini frá Megafon bendir alt á, at Mette Frederiksen verður nýggjur forsætismálaráðharri. Reyði blokkur stendur í løtuni til at vinna 90 av teimum 179. Alt annað líka stuðla Eindarlistin og Socialistiski Fólkaflokkurin Mette Frederiksen, meðan tað er ivamál um hvønn ið Uffe Elbæk og Alternativet fara at peika á - tó segði Uffe Elbæk júst nú í samrøðu við DR, at hann hevur mest til felags við Mette Frederiksen, men at hann peikar á seg sjálvan sum nýggjan forsætismálaráðharra.

 

Tríggir nýggir flokkar

Serstakt við hesum fólkatingsvalinum er, at tað vera tríggir nýggir flokkar á atkvøðuseðlunum til komandi fólkatingsvalið. Fyri at koma innum gáttina til Fólkatingið skal ein flokkur fáa í minsta lagið 2% av atkvøðunum - eftir seinastu kanningini frá Megafon standa Nye Borgerlige (2,6%) og Stram Kurs (2,7%) til at koma inn. Hin triðji nýggi flokkurin er uppkallaður eftir formanninum sjálvum - Klaus Riskær Pedersen. Hann stendur í løtuni til at fáa 1,3%, og stendur tískil ikki til at koma inn.

Lýsing
Seinastu tíðindini
Ongan ognarskatt
Vælferð
“Hvíla søtt á berjalyngi”
Temadagur við Svend Brinkmann
Ein rørandi og láturfylt løta á kajøkinu…
Stendur á jøvnum millum Mikkjal og Jákup
Fólk fjølgast í Føroyum
Vinnan hjálpir familjuni og teimum sum h…
Almennur fundur um heilsuverkið - nú og…
Nettoúrslitið hjá Bakkafrost fyri annan…
Olaf Fríðheim stillar upp: - Eg má verja…
Gloymdar útoyggjar
Tøkk - Eiler Juul Samuelsen
B36 spílar seg út til oddabrakið: Ókeypi…
Moody’s - Ríkisfelagsskapu­rin tryggjar f…
Serligan ómak til serligan tørv
Útróður og fiskivinna - nógvur fiskur á…
Fimm Skála-leikarar trilla runt við 11 K…
Klaksvíkar Sjúkra­hús
Tøkk