Lýsing
Lýsing
Mynd: Ranheim

Norskur leikari á veg til KÍ

SKRIVAÐ: Jákup Ósá  |  13.05.2019 - 12:38 Ítrottur Tíðindi

KÍ er í holt við at tryggja sær ein norskan miðvallarleikara.

Fleiri norskir miðlar, harímillum Aftenposten, skriva, at norski miðvallarleikarin Magnus Stamnestrø er á veg til KÍ. Magnus er 27 ára gamal og hevur sáttmála við Ranheim í bestu norsku deildini. Men hann hevur havt trupult við at fingið spælitíð hetta kappingarárið. Av teimum 7 dystunum higartil í ár hevur hann spælt 11 minuttir, tá hann bleiv skiftur inn. Tveir dystir hevur hann sitið á bonkinum. Hann hevur verið darvaður av skaðum seinnu árini, men hevur síðstu mánaðirnar kunna vant við fullari ferð. Norðlýsið hevur spurt KÍ-venjaran, Mikkjal K. Thomassen, um hald er í søgunum í Norra, men hann hevur onga viðmerking til hetta í løtuni.

Talan er annars um ein leikara, sum hevur upplivað eitt sindur á síni fótbóltsleið. Hann er skrásettur fyri 55 dystir í bestu norsku deildini, har hann hevur skorað fimm mál. Eisini hevur hann árini 2011 og 2012 spælt á norska U19 og U20 landsliðnum. Árini 2010-2014 spældi hann við norska stórfelagnum Molde og árini 2015-2018 spældi hann við norska stórfelagnum Rosenborg. Leiktíðin var avmarkað, men var var hann at vinna fýra meistaraheitir og tríggjar steypakappingar hesi árini í Molde og Rosenborg. Hann var skrásettur fyri 24 dystir í Rosenborg og 26 í Molde.

 

Hann spælir fyri tað mesta sentralt á miðvøllinum, men kann eisini spæla sum kantur. Flytingargluggin í Føroyum letur upp 15. juni, so hann kann ikki spæla við KÍ fyrr enn eftir tað, um sáttmáli kemur uppá pláss.

 

Um hesin leikarin kemur, so er tað triði leikarin úr Noregi, sum verður partur av KÍ. Frammanundan eru Torbjørn Grytten og Simen Sandmæl partur av KÍ-hópinum.

Lýsing
Seinastu tíðindini
Tepurt tap á Tórsvølli
Tunnilsdagur: Tombola og PES-kapping í S…
Hátíðarhald: Viðalundin 40 ár
Óluva A. Joensen fær sín fyrsta A-landsd…
Jenis má taka fatt og rudda upp í fjølmi…
Fleiri Elektrikarar útlærdir sama dag
Rentan á orku- og elbillánum lækkar ni…
Slutt við at løða elbilar í Føroyum ókey…
11 nýggir tilburðir
SAS gevst viđ Føroyaflúgvingini
Ábyrgdarfullur varaborgar­stjóri
Russari lagt at viđ Grótrætt
Kykmynd: At skifta motor tók neyvt trígg…
Styrkt gongubreytatoymi
Skótalið Nólsoyar Páls í menning
Demenssamskipara­útbúgving av bakkastokki…
Pison landar á Kósini
KVF vísir Europa League dystin hjá KÍ-Di…
Klaksvíkar Svimjihøll ein brakandi succe…
Norröna fær eitt facelift