Lýsing
Lýsing

Moirae ger comeback

SKRIVAÐ: Summarfestivalurin  |  16.05.2019 - 14:09 Tíðindi

Rockbólkurin Moirae kann upplivast á palli í summar

Rockbólkurin Moirae fer nú at savnast aftur til eina serstaka framførslu í summar. Rockbólkurin, sum hevði sína stórtíð seinna partin av níti árunum, verður við á ársins Summar Festivali.

Moirae gjørdi fyrstu ferð veruliga var við seg í Prix Føroyar tónleikakappingini í 1995, sum teir vunnu. Árið eftir góvu teir fløgu út og fingu fleiri hitt, og tvey ár seinni kom enn ein útgáva frá bólkinum. Millum kendastu sangirnar hjá bólkinum eru »Eg flýggi til tónleikin«, »Tú« og »Hvussu kann eg vita?«.

Moirae spældi sera nógv live. Ofta var pallurin í ítróttarhøllunum – á Kambsdali, í Havn og aðrastaðni – og kvøld eftir kvøld flokkaðust fólk til teirra framførslur. Nú eru nógv ár liðin, síðani Moirae spældi seinast, og síðani teir góvust, eru festivalarnir komnir. Tað verður tí eitt heilt serstakt høvi, fólk fáa at uppliva bólkin aftur, tá ið hann spælir á landsins størsta tónleikafestivali í august.

Terji Rasmussen er sangari í bólkinum, og saman við honum spæla tónleikararnir Hjalti Joensen, Mikkjal Joensen, Kim Hansen og Kaj Johannesen. Teir vera allir við til framførsluna í summar.

Summar Festivalurin verður hildin dagarnar 8. til 10. august.

Lýsing
Seinastu tíðindini
KÍ fyllir 115 ár í dag
“KÍ ongantíð skal doyggja, soleingi fólk…
Yvirkæru­nevndin tikið støðu um Deni Pavl…
Maria og Vibeka luttaka í DM fyri ung
Íbúðirnar Undir Kongavarða verða góða he…
Sigoynarin
Rólant og Martin nógv at gera
KÍ kvinnur­nar nærkast FM-heitinum
Jørðin kallar Framsókn
FM: Maria vann 5 gull og Einar 2 gull
Beinleiðisfrísparki og føroyska fótbólts…
Øll skipini hjá Skansi Offshore hava nú…
Trump
Firmport ósakliga viðgjørt í kanning a…
Ikki við valdi og ikki við kraft, men vi…
Betri tíð til barnið
Eg flenni í andglettinum
Heilsu-og sjúkrarøktin á dagsskrá!
Politiskt hugnakvøld í Jaqson fríggjakvø…
Skert KÍ-lið á Eiði sunnudagin