Undan dystinum er KÍ á oddasessinum átta stig frammanfyri verandi meistararnar úr HB. Tískil hevur dysturin stóran týdning fyri bæði liðini, tí ein sigur til HB kann gera, at HB av álvara verður við í toppstríðnum aftur. Meðan uppgávan hjá KÍ er halda fram við góðu gongdini og halda munin niður tey hini liðini aftanfyri, sum eisini eru væl fyri í løtuni. Tapir KÍ hendan dystin, so vera fimm stig á muni frá nummar eitt til fimm, so talan er um týdningarmiklan dyst.

HB hevur síðstu tíðina verið nærum fullmannað. Andreas Breimyr hevur sitið uttanfyri við skaða, men Bartal Wardum er klárur aftur. Hjá KÍ er tað dyggur smeitur, at Simen Sandmæl hevur leikbann hendan dystin. Hann hevur verið millum teir mest eyðsýndu leikararnar í ár. Harafturat eru Óli Ey. Poulsen og Torbjørn Grytten framvegis skaddir.

Dysturin í Gundadali byrjar kl. 15.00 og dómari verður Dagfinn Forná.