HB spílar seg út: Ókeypis bussur fyri viðhaldsfólkini til Klaksvíkar
Í fjør hertóku vit Djúpumýru, og tað skulu vit gjarna gera aftur hesa ferð!, skrivar HB m.a.
Mikukvøldið verður avgjørt, hvørs KÍ ella HB skulu spæla steypafinaluna 2019. Fyrri dysturin endaði 1-1, so alt er opið, hóast stórur munur var á liðunum í landskappingini sunnudagin í Gundadali. Nú verður spælt í Klaksvík og byrjað verður frá 1-1.
HB hevði eitt framúr gott ár í fjør og serliga í Klaksvík treivst HB væl. HB vann FM dystin á Summar Festivalinum og í 23. umfarinum bleiv FM endaliga staðfest, eisini í Klaksvík. HB-áskoðararnir settu sín dám á hesar dystirnar og mikukvøldið ætlar HB at endurtaka hetta, tá eitt pláss í steypafinaluni stendur uppá spæl.
HB skrivar soleiðis:
Kom við til Klaksvíkar!
Mikukvøldið kl. 18:00, verður seinna hálvfinalan í kappingini um Løgmanssteypið. Og tørvur er á øllum stuðli, um okkara menn skulu aftur í Steypafinaluna. Í fjør hertóku vit Djúpumýru, og tað skulu vit gjarna gera aftur hesa ferð!
Bussurin koyrir frá Høllini á Hálsi kl. 16:30, og er sum altíð ókeypis.