Jógvan Skorheim valdi borgarstjóra uppgávu fram um Sjálvstýrisflokkin
Jón Brian Hvidtfelt váttar at kjaksending sum skuldi verða í KVF í kvøld í samband við fólkartingsvalið er avlýst tí formaðurin í Sjálvstýri, sum eisini er einasta valevni hjá flokkinum, er á veg til eitt tiltak í Odense, sum er vibnarbýur hjá Klaksvík har hann sum borgarstjóri er boðin at halda røðu til eitt tiltak sum er fyriskipað í samband við vitjan hjá føroysku træseglskipunum í Danmark.
- Sendingin og innihaldi er samskipað í samráð við allar flokkar og alment lutakast hevur eisini verið fyri at gera tilgongdina til sendingarnar í KVF so gjøgnumskygda og demokratiska sum gjørligt. Tí høvdu vit ikki annað val enn at avlýsa sendingina.
- Vit fingið fráboðanina frá Skorheim manadagin og hóast vit spurdu um hann ikki kundi senda varaborgarstjóran til Odense at halda røðu so var sagt at hetta læt seg ikki gera.
- Hetta er ein sera óheppin støða, men tá eingin annar enn borgarstjórin í Klaksvík kann umboða Sjálvstýri hevði sessurin hjá Sjálvstýri staði tómur í sendingini og tí var einasti møguleikin hjá okkum at avlýsa, sigur Jón Brian Hvidtfelt, tíðindamaður í KVF.