Politikarar kappaðust í egningarskúrinum hjá Andru
Í gjár varð valskrá Javnaðarfloksins løgd fram í Spinnarínum í Klaksvík. Eftir framløguna fóru valevni floksins á vitjan í býnum. Byrjað varð á Tekniska skúla, og síðani varð farið í egningarskúrin hjá Andru Poulsen, sum eigur útróðrarbátin Stakkavík. Inni í skúrinum gjørdu Sjúrður Skaale og Henrik Old av at kappast um, hvør var skjótastur at rekja um. Og hvør vann so kappingina?
- Ja, beiski sannleikin er, at Henrik náddi fleiri húkar innan somu tíð. Men sannleikin er eisini, at eg rendi meg í eina ordans kisu. Taka vit tað við, vil eg pástanda, at eg vann! Annars takk fyri allan blíðskap í Klaksvík, sigur Sjúrður Skaale.
Eftir vitjanina í egningarskúrinum gekk leiðin á Klaksvíkar Sjúkrahús. Fleiri myndir frá degnum eru at finna her: https://www.facebook.com/Javnadarflokkurin1925/
Valskráin hjá Javnaðarflokkinum til fólkatingsvalið er at finna her: http://www.j.fo/tiðindi-og-greinar/valskra-javnaðarfloksins-til-folkatingsvalið