Lýsing
Lýsing

Upptakt: KÍ-EB/Streymur

SKRIVAÐ: Jákup Ósá  |  26.05.2019 - 07:16 Ítrottur Tíðindi

Bæði liðini skulu vaska tap av sær.

Tað eru tvey særd lið, sum møtast í Klaksvík í dag. KÍ hevur lagt rygg til tvey tap móti HB, meðan EB/Streymur seinasta umfar tapti heili 8-1 móti NSÍ. EB/Streymur hevur tó fyrr í ár víst, at liðið kann arga topp 6 liðini á útivølli. EB/Streymur vann 2-1 á Skála og fekk 1-1 javnleik í Norðragøtu móti Víkingi.

KÍ-liðið er nakað skert til dagsins dyst. Óli Ey. Poulsen er framvegis uttanfyri, meðan fleiri leikarar eru ivasamir. Teir eru Torbjørn Grytten, Boris Dosljak og Ólavur Niclassen. Torbjørn var á bonkinum móti HB, men kom ikki inn, meðan Boris og Ólavur fingu snuddir, sum gera, at teir eru ivasamir til dagsins dyst. Tá 1.deild spældi móti 07 Vestur leygardagin var eingin av sáttmála-útileikarunum við, so tað kann benda á, at onkrir av ivasomu leikarunum ikki eru tøkir. Hjá EB/Streymi hava Andras Olsen, Arnar Dam og Leif Niclasen ikki spælt higartil í ár. Harafturat hava Gestur B. Dam og Arnbjørn T. Hansen ikki spælt síðstu dystirnar.

 


Dysturin við Djúpumýrar byrjar kl. 15.00, og dómari verður Eiler Rasmussen.

Lýsing
Seinastu tíðindini
Aftur á slóðina
Sjálvstýri: 600-700 fólk til familjutilt…
68%
Javnaðar­flokku­rin: Valkafé í Spania­stovu
Tað demensvinarliga samfelagið – ella hv…
Líðhamar roktúr í dag
Enn ein lítil fitt søga
Hendan lands­stýrissamgongan hevur gjørt…
KÍ fyllir 115 ár í dag
“KÍ ongantíð skal doyggja, soleingi fólk…
Yvirkæru­nevndin tikið støðu um Deni Pavl…
Maria og Vibeka luttaka í DM fyri ung
Íbúðirnar Undir Kongavarða verða góða he…
Sigoynarin
Rólant og Martin nógv at gera
KÍ kvinnur­nar nærkast FM-heitinum
Jørðin kallar Framsókn
FM: Maria vann 5 gull og Einar 2 gull
Beinleiðisfrísparki og føroyska fótbólts…
Øll skipini hjá Skansi Offshore hava nú…