Góður KÍ-álopsfótbóltur við Djúpumýrar
Tað var eitt álopssinnað KÍ-lið, sum ongar trupulleikar hevði við at vinna sær trý stig móti EB/Streymi í dag.
Tað gekk nakað leingi at fáa hol á, men KÍ manglaði ikki málmøguleikar, tó kanska ikki so nógvar heilt stórar, og tí var tað bara spurningur um tíð, til KÍ fekk mál. Og beint áðrenn hálvleik fekk KÍ tvey góð mál frá Patrik Johannesen og Jonn Johannessen.
Í seinna hálvleiki fekk KÍ tvey mál afturat. Talan var í stóran mun um einvegis ferðslu hendan dystin. Á álopssinnaða KÍ-liðnum komu tveir frískir leikarar inn, sum ikki byrjaðu seinast, Jonn Johannessen og Darius Lewis, og báðir stóðu seg væl og fingu eitt mál í part og vóru við í fleiri øðrum góðum álopum.
KÍ er nú komið uppá 26 stig fyri 11 dystir og er framvegis oddalið í deildini.