Lýsing
Lýsing

BankNordik bjóðar nýhugsandi fyritøkum nýggjan fíggingarmøguleika

SKRIVAÐ: Tíðindaskriv  |  13.06.2019 - 13:14 Tíðindaskriv Vinna

Sum tann fyrsti peningastovnurin í Føroyum og Grønlandi hevur BankNordik gjørt avtalu við Evropiska Íløgugrunnin, EIF, ið gevur banka- num møguleika at veita nýhugsandi fyritøkum lán við lagaligum treytum.

Avtalan millum BankNordik og EIF loyvir BankNordik at veita vinnukundum nýggj lán við kappingarførum treytum og veðhaldi úr ES-skránni “InnovFin”, ið hevur til endamáls at bøta um fíggingarmøguleikarnar hjá smærri og miðalstórum fyritøkum í Evropa. Avtalan er hin fyrsta av sínum slagi í Føroyum og Grønlandi, og hon gevur sunnum, nýhugsandi fyritøkum møguleika at fáa fígging til nýskapandi verkætlanir frá BankNordik.

Við avtaluni ber til hjá BankNordik at veita vinnukundum nýggj lán fyri saman- langt 300 mió. kr., meðan InnovFin veðheldur fyri 50% av lánsupphæddini, ið verður latin. BankNordik skal viðgera allar lánsumsóknir til tess at tryggja, at lántakarar lúka ásettu treytirnar í InnovFin.

“Vit eru fegin um nýggja samstarvið við EIF, sum væntandi fer at gagna okkara vinnukundum í Føroyum og Grønlandi. Avtalan gevur okkum betri møguleika at veita nýskapandi fyritøkum lagaliga fígging til verkætlanir, samstundis sum vit varðveita okkara skynsama kredittpolitikk,” sigur Árni Ellefsen, forstjóri í BankNordik.

InnovFin stuðlar nýskapandi verkætlanum, annaðhvørt talan er um fígging til íverksetarafyritøkur ella ítøkligar verkætlanir, har ein fyritøka hevur í hyggju at seta í verk nýskapandi ella burðardyggar framleiðsluhættir, mannagongdir, vørur ella tænastur. BankNordik fer at veita fígging til verkætlanir, sum verða mettar at geva eitt íkast til framhaldandi vøksturin í fyritøkuni. Ein vanlig kre- dittmeting av fyritøkuni verður, sum altíð, ein partur av viðgerðini av lánunum við InnovFin-veðhaldi.

InnovFin er partur av evropiska granskingarsamstarvinum Horizon 2020, ið Føroyar rinda eitt árligt luttøkugjald til, og sum gevur Føroyum atgongd til stuðul úr felags ES-játtanini.

Les meira um InnovFin

Lýsing
Seinastu tíðindini
KÍ fyllir 115 ár í dag
“KÍ ongantíð skal doyggja, soleingi fólk…
Yvirkæru­nevndin tikið støðu um Deni Pavl…
Maria og Vibeka luttaka í DM fyri ung
Íbúðirnar Undir Kongavarða verða góða he…
Sigoynarin
Rólant og Martin nógv at gera
KÍ kvinnur­nar nærkast FM-heitinum
Jørðin kallar Framsókn
FM: Maria vann 5 gull og Einar 2 gull
Beinleiðisfrísparki og føroyska fótbólts…
Øll skipini hjá Skansi Offshore hava nú…
Trump
Firmport ósakliga viðgjørt í kanning a…
Ikki við valdi og ikki við kraft, men vi…
Betri tíð til barnið
Eg flenni í andglettinum
Heilsu-og sjúkrarøktin á dagsskrá!
Politiskt hugnakvøld í Jaqson fríggjakvø…
Skert KÍ-lið á Eiði sunnudagin