Lýsing
Lýsing

Nalja spælir á festivali!

SKRIVAÐ: Summar Festivalurin  |  16.06.2019 - 01:00 Tíðindi

»Á, tann deiliga Havn« fer til Klaksvíkar.

Tað verður ein løta av teimum stóru – og heilt serligu – tá ið 80’ara poppbólkurin Nalja spælir á ársins Summar Festivali.

Legendariska útgávan hjá Nalja kom í 1988, og av henni kenna fólk sangir sum »Ansa eftir«, »Hygg at mær«, »Livandi ljós« og fram um alt stóra ólavsøkusangin «Á, tann deiliga Havn«.

Nalja skapti glaðan og fangandi popptónleik, sum nú 30 ár seinni svingar og sveiggjar eins væl og tá. 

Oddafólk í bólkinum vóru Elin Brimheim Heinsen og Kári Linderoth Jacobsen, og tey verða eisini við mikrofonirnar, tá ið Nalja nú kemur á Summar Festivalin fyri fyrstu ferð. 

– Vit fegnast um, at Nalja bólkurin er boðin á Summar Festivalin at spæla. Tað var eingin trupulleiki at savna Nalja manningina, sum spældi fyrstu ferð saman á Ólavsøkukonsertini í 1989. Øll søgdu »Yes! Tað tíma vit ordiliga væl«. Vit gleða okkum øll sera nógv at geva áhoyrarunum eitt brak av einari konsert við øllum teimum gomlu, væl umtóktu Nalja-hittunum, sigur Elin Brimheim Heinesen. 

Umfram Elina og Kára, sum eru sangarar, spæla Finnur Hansen (ljómborð), Leivur Thomsen (gittar), Arnold Ludvig (bass), Rógvi á Rógvu (trummur), Astrid McDonald (kór) og Eyð Steinbjørnsdóttir (kór) við Nalja.

Summar Festivalurin verður hildin í døgunum frá 8. til 10. august.

Lýsing
Seinastu tíðindini
Síðsti heimadystur hjá minst tveimum KÍ-…
KÍ hevur sett venjara til kvinnu­liðið í…
Tey fremstu fótbóltsfeløg­ini fara avstað…
Áhugaverd framløga um trivnað hjá okkara…
Glíðibreytin
Størru útróðrarbátar­nar vestanfyri í nát…
Safir og Grønanes landa á Kósini í morgu…
Don Quixote aftur á hestbak
KÍ vann stórsigur
Gunvá: Vit fáa onki at vita
Klaksvíkar kommuna respektleys
Gadus siglir heim
U19-lands­liðsleikari gjørt langan sáttmá…
Karl Birgir gav Pochettino føroyska troy…
Morgunsangur í Fuglafjarðar kirkju
Gott fiskarí í Fuglafirði
Gott fiskarí í Fuglafirði
Føroyska makrelkvotan í 2020 verður 116.…
Nakrir útróðrarbátar í dag
Grøna leiðin nýtist ikki at kostað kassa…