Lýsing

Ótrúligt! Vit vunnu European Open

SKRIVAÐ: HSF  |  06.07.2019 - 15:32 Ítrottur Tíðindi

U17-landslið vann stóra kapping.

HSF skrivaði soleiðis í gjárkvøldið: Ein sonn sensasjón í Gøteborg í kvøld, tá U17-landsliðið smurdi Svøríki av í finaluni, heili 36-29, eftir 16-15 í hálvleikinum.

Føroyar blivu allarfremst av teimum 24 luttakandi liðunum í European Open. Vit hava vunnið á so mætum hondbóltstjóðum sum Spania, Noreg, Ungarn og nú Svøríki í finaluni. Eitt fantastiskt bragd av okkara ungu monnum framman fyri 6000 áskoðarum í Scandinavium í Gøteborg.

Dysturin var sera spennadi og tættur í 45 minuttir, tá okkara byrjaðu at draga frá. Verjukempan, Viktor Gaini, fekk 2 útvísingar fyrstu 6 minuttirnar av dystinum og valdu venjararnir tískil at spara hann í verjupartinum inntil seinasta korterið. Okkara hildu stand og fylgdust liðini stavn um stavn í 45 minuttir. Verjuspælið og málmansspælið var gott í báðum endum, men serliga okkara Pauli Jacobsen í stóð sera stinnur í málinum. Pauli Mittún byrjaði sera væl við fleiri málum, meðan tað serliga var Elias á Skipagøtu, sum var støðugt vandamikil í seinna hálvleiki. Sviar royndu at mansverja bæði Paula og Elias, men hinir megnaðu hvørja ferð at spæla svensku verjuna tunna og var Janus Dam Djurhuus eirindaleysur á vinstra vongi. Eisini dugdu Rói á Skipagøtu og Sveinur Olafsson sera væl at spæla seg út um svensku bakkarnar.

Um miðjan seinna hálvleik strammaðu vit við Viktor Gaini á odda um verjupartin og var nærum ógjørligt hjá svium at fáa bóltin fram við Paula í málinum. Samstundis var Elias eirindaleysur í álopinum og skoraði ferð eftir ferð við flottum málum. Tá tíggju minuttir restaðu var støðan 28-25, tá fimm minuttir restaðu var støðan 34-26 og avgjørt var.

Eftir dystin var all-star liðið kosið. Hákun West av Teigum var kosin besti høgri vongur, Pauli Jacobsen besti málverji, Elias Ellefsen á Skipagøtu fekk heiðurin sum MVP (Most valuable player) og var eisini topskjútti í kappingini.

Málskjúttar:
Elias Ellefsen á Skipagøtu 10
Janus Dam Djurhuus 6
Pauli Mittún 6
Hákun West av Teigum 5
Viktor Gaini 3
Sveinur Olafsson 3
Rói Ellefsen á Skipagøtu 2
Kristoffur Bjørgvin 1

Lýsing
Seinastu tíðindini
Ein glaður Frits í Glæmuni
Klaksvík­ingar tóku Svangaskarð til sín
Norðoya Fólkafloks­felag er liðugt við sí…
Líðhamar góðan túr í dag
Fimm dystir á rað uttan tap í Europa kap…
So nógvar pengar fær KÍ fyri Europa Leag…
KÍ skrivaði søgu - Myndarrøð
Skarbalius: Uppiborið at KÍ fer víðari
Merkta grindin í Íslendskum sjógvi
Líðhamar roktúr norð­anfyri
Góð fótbóltslíkindi í kvøld.
Jóannis Erik Køtlum stillar upp fyri Tjó…
Snellan oyðir ongan fisk
Munur á býráðs­politikarum í Runavík og K…
Kristian Isaksen 90 ár
Upptakt: KÍ-Riteriai
Bústaðir byggir framhald­andi tríggjar fe…
Uppisjóvarvirkið á hvørjum tanga og -ski…
Eingin hevur spælt við KÍ í Europa kappi…
Fiska frítt upp til 15 tons