Í dag var boðað frá grind á Gøtuvík. Sýslumaðurin, Karl Johansen hevur avgjørt, at okkara vísindafólk skulu hava møguleikan at merkja hesa grindina til vísindalig endamál.

Bjarni Mikkelsen frá Umhvørvisstovuni sigur í stuttari viðmerking, at teir vera í gøtu um lítlan hálvan tíma og at teir fara at seta sendarar á 5 hvalir.

Seinast teir settu sendarar á hvalir í Norðoyggjum var í Hvannasundi í 20011. Annars hava okkara vísindafólk merkt grindir  seks ferðir í alt.