Hví 2014? Hví ikki 2015? Tá verandi samgonga seint um árið tók við, og flestu skip vóru farin sín seinasta túr?

Tað árið vaks avreiðingarvirði við hálvari milliard, í mun til árið fyri, ið var 2014. So her er týðuligt, at man er selektivur, og velur tøl til sín fyrimun, og als ikki svarar spurningin orduligt. Sera mísvísandi!

Avreiðingarvirði hækkaði frá 2012 til 2015 við 28,2% undir síðstu samgongu. Undir verandi samgongu, so er avreiðingarvirði voksið 2,8% frá 2016 til 2018.

Men hyggja vit eftir uppboðssølu o.ø. gjøldum frá tí, at undanfarna samgonga sat í 2015 og til 2018, so hevur landskassin fingið 131,7% meir í gjøldum.

Hyggja vit so at, hvussu gongdin hevur verið síðan 2015 við avreiðingarvirðinum, og taka síðani og mótroknað við uppboðsølu o.ø. gjøldum, so er støðan greið. Krónir og oyrir eru minkandi. Vinnan fær minni at brynja seg við til íløgur og menning til vinnuna.

Er hetta tað, ið vit ynskja? Eina vinnu, ið verður sett í fótonglar, og verður afturúrsigld í kappingini við heimsmarknaðin?

Ella ynskja vit ein politikk, ið setur vinnuna í tryggar karmar, soleiðis hon kann endurnýggja og menna seg, og vera kappingfør um allan heim - fyri vinnu, borgarar og land at frama? So er valið greitt til løgtingsvalið - Fólkaflokkurin!

Beinir Johannesen, valevni Fólkafloksins

Keldur: Vørn og Fíggjarmálaráðið