Lýsing
Lýsing

Merktu hvalirnir bíða helst

SKRIVAÐ: Oliver Joensen  |  08.07.2019 - 00:29 Mentan Myndarøð Tíðindi Vinna

Norðlýsið var beint eftir midnátt í Gøtu, har vit fingu hesar myndirnar í skýmingini. Tað gekk sera væl at merkja hvalirnar, frá grindini sum var funnin á Gøtuvík í dag. Men verri gekst at fáa hvalirnir út aftur. Sýslumaðurin Karl Johansen sigur, at roynt var fleiri ferðir at reka teir av Gøtuvík. Við seinastu royndina fingu bátarnir hesar fáu hvalirnar, helst einir 16 ella so, út ímóti fjørðinum. Tá høvdu menn brúkt so nógva tíð í dag, at teir avgjørdu at gevast. Ikki meira enn høvdu teir bundið bátarnar, tá grindin aftur var inni í gjøgnum á Gøtuvík.

Í dag hendi eisini tað, at ein stórur hvalur úr grindini hevði trupulleikar at fylgja bólkinum. Tá so menn løgdu á at reka tað einu ferðina, lá hesin bara og fleyt, og tað vísti seg at hann var deyður. Hetta var ein sera stórur hvalur, so nú er spekulatiónin, um bólkurin liggur á Gøtuvík og bíðar eftir honum. Deyði hvalurin var sleipaður til Leirvíkar, har hann skal kannast. Hesin hvalurin kann hava verið leiðarin fyri bólkin, hvør veit?

Tá vit vóru í Gøtu beint eftir midnátt, ringu vit til Bjarna Mikkelsen, hvalaserkønan frá Umhvørvisstovuni. Hann lá á Tangafirði, klárur at sigla til Gøtuvíkar við skjóttgangandi báti sínum. Bjarni var sera harmur um gongdina, men vónaði, at hann kanska kundi hjálpa til í nátt at fáa hvalirnar av víkini tá tað fer at lýsa.

Í Føroyum er sera nógv fokus á grindahvalin, og tí eru okkara granskarar frammi í skónum, tá ið veldst um at staðfesta støðuna hjá grindahvalinum. Sum vit hava sagt aðrastaðni her á síðuni, so eru grindahvalir fleiri ferðir merktir her við sendara, og tað hevur givið okkara granskarum sera stóra vitan um hvalin. Umframt hvalamerkingar, hava okkara granskarar eisini verið við í hvalateljingum.

Norðlýsið fer aftur í morgin at fylgja gongdini.

Lýsing
Seinastu tíðindini
Føroyska makrelkvotan í 2020 verður 116.…
Nakrir útróðrarbátar í dag
Grøna leiðin nýtist ikki at kostað kassa…
Fer grøna orkuskiftið at kosta okkum kas…
1.deild hjá KÍ spælir sín síðsta heimady…
Bretland og ES hava gjørt avtalu um Brex…
Takk til tykkum mongu ið hava stuðlað ok…
Londonbúgvar  í øðini inn á ”verðurlags-…
Loysnin á kreppuni í Katalonia er samrøð…
Føroyar og Bretland gjørt semju um fiski…
Semja um ábøtur í handils­sáttmála­num mil…
Føroyar mugu mótmæla, stuðlið Catalanien…
Beinta spyr um asfaltsverkið á Sundi
Telja áir í Kjølinum
Vit mugu hava eina veðurlags­lóg
Húsarhaldsposar­nir í Klaksvík verða hein…
Nógv regn her norð­anfyri í dag
Norðoya­tunnilin stongdur í fleiri umføru…
Pison landar á Kósini í dag
Jákup er nú liðskipari á U21-lands­liðnum