Lýsing
Lýsing

Serstøk konsert opnar sandin

SKRIVAÐ: Tróndur Ellingsgaard  |  10.07.2019 - 16:47 Mentan Tíðindi

Tað er í morgin, at 18. G! Festivalurin veruliga verður skotin í gongd. Í dag letur tjaldingarplássið upp, og eru tað tískil mong sum longu í dag hava leita sær til Gøtu, at halda eitt langt vikuskifti.

Dagurin í morgin verður fyrsti dagurin ið bjóðar tónleikaligar upplivingar. Sandurin opnar kl. 21.10 við serstakari konsert. Her fara nøkur av størru føroysku tónleikanøvnunum at trína á pall til eina "all star" konsert. Tónleikarnir ið luttaka eru Eivør, Greta Svabo Bech, Marius Ziska, Guðrið Hansdottir og Høgni. Tey fara við bólki at framføra kend løg hjá hvørjum øðrum, soleiðis sum tú helst ongantíð hevur hoyrt tey fyrr.

Kl. 23.50 spælir danski bólkurin Phlake á sandinum. Bólkurin er sera væl úmtóktur í Danmark við løgum sum "Angel Zoo", "Pregnant", "The Rascal" og mongum øðrum. Phlake spældi eisini á G! 2016 - hetta beint eftir at hava útgivið sína fyrstu fløgu, sum vann fimm Danish Music Awards árið eftir. Phlake var mest spældi tónleikabólkurin á Danmark Radio í 2018. 

Á spæliplássinum vera fleiri konsertir gjøgnum kvøldið. BEINIR spælir fyrstu konsertina á festivalinum kl. 17.40. Harumframt spæla Body Paint, Jasmin, Noah Carter og SHHT eisini á sandinum.

Lýsing
Seinastu tíðindini
Safir og Grønanes landa á Kósini í morgu…
Don Quixote aftur á hestbak
KÍ vann stórsigur
Gunvá: Vit fáa onki at vita
Klaksvíkar kommuna respektleys
Gadus siglir heim
U19-lands­liðsleikari gjørt langan sáttmá…
Karl Birgir gav Pochettino føroyska troy…
Morgunsangur í Fuglafjarðar kirkju
Gott fiskarí í Fuglafirði
Gott fiskarí í Fuglafirði
Føroyska makrelkvotan í 2020 verður 116.…
Nakrir útróðrarbátar í dag
Grøna leiðin nýtist ikki at kostað kassa…
Fer grøna orkuskiftið at kosta okkum kas…
1.deild hjá KÍ spælir sín síðsta heimady…
Bretland og ES hava gjørt avtalu um Brex…
Takk til tykkum mongu ið hava stuðlað ok…
Londonbúgvar  í øðini inn á ”verðurlags-…
Loysnin á kreppuni í Katalonia er samrøð…