Lýsing
Lýsing
Lýsing

Iransk herskip royndu í nátt at taka brekst tangaskip

SKRIVAÐ: John William Joensen  |  11.07.2019 - 07:12 Politikkur Tíðindi

Bretska Fregattin HMS Montrose, kom tangaskipinum til hjálpar og noyddi iransku skjótt gangandi krígsskipini at taka seg aftur.

Amerikanski flotin, sum sendi flogfør til neyðstadda oljutangaskipið og bretski miðarahavsflotin váttað at hendingin fór fram í altjóða sjógvi í Hermund sundinum.

Sambært amerikanskum og bretskum hernaðarkeldum bleiv tangaskipið kringsett av fimm skjóttgangandi og vápnaðum bátum, sum hoyra til serligu republikansku herdeildina, sum er beinleiðis undir ovasta leiðaranum í Iran.

Veruliga valdi í Iran liggur hjá prestastýrinum hvørs formaður, Ali Khamenei, hevur evsta val í landinum. Hann er statsleiðari og er ovasti myndugleiki í bæði politiskum og religiøsum málum. Hervaldi, dómsvaldi og almenna kringvarpið er beinleiðis undir ovasta leiðaranum. Iran hevur bara havt tveir ovasta leiðarar síðan kollveltingina í 1979 og núverandi leiðarin hevur átikið sær stórt vald og er kendur fyri at blanda seg í øll viðurskifti í landinum.

Bretska fregattin HMS Montrose sum fylgdi tangaskipinum hevði iransku bátarnar í siktinum, tá Iransku herskipini aktaðu boðunum frá bretska hervaldinum um at taka seg aftur.

Í seinastu viku hjálpti bretski flotin myndugleikunum í Gibraltar at leggja hald á eitt iranskt tangaskip í Gibraltar, tí myndugleikarnir høvdu prógv um at tangaskipið vara veg til Sýria við olju hóast ST hevur sett forboð fyri at selja olju til krígsherjaða landið. Iranskir myndugleikar hava hótt við at taka bretsk oljutangaskip sum hevnd fyri hetta.

Lýsing
Seinastu tíðindini
Norð­oyastevnan í dag
Neytabúffar av Sandi á Norð­oyastevnu
KÍ kann fara frá hinum
Myndarøð: Fuglberg og Skoraberg afturkom…
Kappróðu­rin útsettur til sunnudagin
Nei til lættari atgongd til rúsdrekka
Magnus Heinason kannað æti, fiskalarvur…
Ráðstevnan ið kostaði 250 tús. kr.
Tí skulu vit ráða okkum sjálvum
Fóðurflakin Kleivin opin fyri vitjandi m…
Føroyar ímóti rasismu
Norð­oyastevnan í dag
Kaj Leo skal standa skúlarætt um navnabr…
Stuðla Klaksvíkar Róðrar­felag
Bankarnir gerast alsamt frekari
Símun Absalonsen heldur midnáttarrøðuna
Ein sílatúrur í Vatnsdali við Oyndarfjør…
Solby heldur røðu á norð­oyastevnu
Hotel Brandan letur upp 1. juli
Benkur uppi á Brekkum