So hendi tað sum eg var bangin fyri
Sólarn Isaksen hevur í mong ár fiska hummarar í haraldsundi, men Heilsufrøðisliga Starvsstovan vil hava hann vekk av økinum
Sólarn harmast á sínum facebook vanga. Hann skrivar soleiðis:
So hendi tað, ið eg var bangin fyri. HFS hevur sent mær ein mail hvar teir siga at, og eg siterið, "flyta alla hummaraútgerðina av økinum HJÁ bakkafrost í haraldssundi innan mánadagin 15/07-2019 annars taka vit onnur stig, og tað verður at, vit útvega fartøj at flyta hummaraútgerðina og tú skalt gjalda."
Hettar eru hægstu myndugleikar tá teir eru bestir, bakkafrost hevur fingið loyvið frá HFS at ala í haraldssundi uttan at spyrja teir ið fiska hummara har, og vit fiskaðu hummara í haraldssundi langt áðrenn bakkafrost byrjaði at ala har, vita eftir um nøkur ár so ferð HFS at siga at tað var nokk ikki í lagið at geva loyvið til aling á hasum staðnum, men tá er ov seint, so eg eri sera keddur í kvøld, kanska mótparturin svevur betri frá nú av